Wheatfield X 羅宋湯專門店 (已結業)

今日系中环中心开会开到2点半先走得，非常饿，行到祖庇利街见到间餐厅装修非常特别，成条隧道咁，叫wheatfield x, 应该跟铜锣湾间麦田厨房有关，系就非常好，事关佢既罗宋汤非常好饮，一饮就停唔到口。入去坐低之后，一看menu, 真系同麦田厨房一样主打罗宋汤，又有我至爱既秘制鸡翼，但呢间就好似麦田厨房快餐版。 张menu好似车仔面做法，例如可以拣罗宋汤配上海面或拉面，再加小食等，剔完再交比waitor。我梗系拣罗宋汤再配上海面，再加秘制鸡翼及冻柠茶。罗宋汤真系好正，汤底浓再加上软腍腍既牛腩，而家再加上海面食简直系绝配，我差不多是一口气食晒，鸡翼亦冇令我失望，皮脆肉嫩，好明显选食材同煮功都好用心，如果选择多少少会更好。其实我想再点其他食物，好想试下俄式清鸡汤加拉面，因为赶时间下星期一定再来试。绝对值得推介。