Crêpe Delicious (MOKO新世紀廣場) (已搬遷) 新店位置

同友人食完晚饭散步，行经过呢间卖Crepe既铺头，闻到一阵隐隐约约Crepe既香味，一时受唔住诱惑，就行咗入去。铺头唔算好大，有几个卡位，然后有啲可以分拆既长台，如果迟黎，可能都要等一等先有位。因为我地晚饭食得早，所以食甜品个时间都早，大概夜晚八点半到，基本上唔洗等位，一入去就有位坐。我地叫咗两款Crepe，一个Cookies & Cream，一个Red Fruit Patisserie，卖相摆得都几靓之余，两份都好好味，特别系块Crepe本身口感非常好，烟烟韧韧，甜度又适中，加埋自己喜爱的配料，简直一流！虽然个肚都仲饱饱地，但都一口接一口食唔停，最后瞬间就KO咗两份Crepe。Cookies & Cream（HKD68）友人选择了Cookies & Cream口味，甜而不腻既Cream，加上Oreo曲奇粉，正！Red Fruit Patisserie（HKD88）酸酸甜甜既草莓+红桑梅，配合幼滑既吉士酱，酸甜既配搭真系一口接一口食唔停。