煮道 (已結業)

无想过，真系无想过，在各大连锁快餐店食左咁多年一人一锅，一人一锅对我嚟讲就只系代表难食，冰鲜材料 (冰封材料)同张枱永远唔够位摆。所以今日无意中嚟到呢间系上环新开业嘅一人一锅店本来是纯为医肚，速战速决，点知，一句讲晒 : 超级好味，非常惊喜!主打A5和牛同美国入口安格斯牛肉，仲话有米芝莲大厨主理嘅一人一锅店，店内格局好唔错，重点系，唔知大家有无感觉，一般连锁快餐店嘅一人一锅，永远张枱都唔够位放，简单嚟讲系配件多到连个tray 都放唔晒。但呢度坐得非常舒服。而店内居然有单身吧枱位，确实系单身人仕嘅福音。食物方面，一人一锅，但份量十足，用料新鲜，当然我无入厨房睇 ，但起码好过好多逐碟计嘅火锅店。如果细食的话，叫多碗饭，其实两个女仔share一锅再加𩠌都好OK. 主打嘅肉类好好味，绝对好味过好多牛肉嘅放题火锅店。必试是麻辣锅，可以选小辣，好香好麻，食完个咀真系好麻呀，好正！另外海鲜锅配料亦非常足。一百完楼下有交易。天气开始凉啦，呢间店系非常唔错嘅选择。