名代宇奈備長炭燒鰻魚飯專門店 (iSQUARE國際廣場) (已結業)

名代宇奈备长炭烧鳗鱼饭专门店呢个名听左好耐，身为鳗鱼饭既拥趸，一路都好想试，今次终于有机会喇！通常门口经过都会见倒排队，今次去既时候前面就净系得两三个人。餐厅里面枱唔系好多，枱同枱之间都有比较大既空间，坐得非常之舒服！最欣赏每个职员都好细心，反应都好快，见倒我多野仲特登拎张櫈比我摆野，想落单既时候已经即刻预备好，抵赞！食物方面我就净系叫左个双层鳗鱼饭，朋友就叫三食。三食既味道丰富，啱晒钟意唔同食法既朋友。至于我既双层鳗鱼饭，起初担心净鳗鱼饭会唔会太斋，又担心会唔够饱，但系免费加饭下都几饱肚，而鳗鱼肉质软熟，同一般冰鲜既唔同，但系酱汁多啲会更好！一定会再食！