灜鐵板燒

营业中

休息中

今晚同同事去食飯，當然去返我哋成日食嘅瀛鐵板燒。嗰度唔單止環境舒服，而且食物質素仲好高，而且每一次食嘢，仲可以見到廚師用佢嘅專業刀工同純熟嘅技巧表演煮嘢食。呢樣嘢我真係勁like !今日嗰餐其實樣樣嘢都好好食， 但我覺得以下呢幾樣特別得我嘅歡心❣️❣️<鐵板賴尿蝦>賴尿蝦味道非常鮮甜，而且有好濃郁嘅賴尿蝦味。口感非常彈牙。而且廚師只係用咗鹽同牛油佢調味。簡單嘅調味料反而令到賴尿蝦嘅鮮味更加突出。👍🏻👍🏻<黃金銀鱈魚>第一次食銀鱈魚配鹹蛋黃😌味道出奇地夾！銀鱈魚煎到非常香口，但魚肉仍然非常滑！廚師再將鹹蛋黃鋪喺銀鱈魚上面，之後用火槍燒左一陣。有好香濃嘅火炙味係鹹蛋同魚上冇而。味道好有層次感。👍🏻👍🏻<鹽焗馬友魚>賣相好靚，外層嘅白鹽同魚皮焗到脆卜卜，再喺中間夾咗一塊銀杏葉。口感外脆內軟。濃郁嘅馬友魚因為銀杏葉嘅關係，令到鮮味更加突出。👍🏻👍🏻<帆立貝北海燒>帆立貝非常大粒，而且新鮮。再加埋自家製嘅醬汁一齊去焗，令到帆立貝嘅鮮味更突出。而且廚師嘅火候較到啱啱好，帆立貝爽甜多汁。非常好食👍🏻👍🏻