JIKKA燒雞

营业中

休息中

端午节长周末，但系因为两位少爷要考试，所以冇得去旅行。喺太古城附近唔想再去太古城中心同人迫同排队，揾到呢间喺太古坊新开嘅非常有诚意小店。星期日晚除咗我哋仲有另外两台人，唔使等位。门口街边好多车位泊车非常方便。因为两个仔发育时期食好多嘢，所以我哋四个人买咗六样嘢食。水果烤鸡，烤鸡皮，西班牙甜椒酱意粉，烤鸡pesto sauce 意粉，truffle cheese dog, sweet potato fries. 每一样都非常好食，我个人最欣赏烤鸡皮，刮走晒啲肥膏，热辣辣烤得好脆，好似食薯片咁。两个意粉嘅酱都系佢哋自家制，感觉到冇味精少盐，食到蔬果嘅鲜味。Sweet potato fries 都非常好食,唔会好油。个热狗面包外脆内软，肠仔加埋啲truffle sauce 全部都系好好食。绝对会返嚟再食。