Cuppers Specialty Coffee (已結業)

自从考左牌之后，我同老婆就经常性会入黎赤柱。以前住北角果阵，真系一个星期有时会入黎三到四次。赤柱系一个好舒服既地方，呢到亦都系一个非常 Pet Friendly 既地方。所以我地都好钟意入黎放狗，果阵有多左只狗BB果阵，都带埋入黎呢到比路人摸佢做训练。不过，香港地可以带狗既餐厅少之有少，除左海傍大街果堆之外，真系无乜边间入得。我记得第一次去 Cuppers 果阵，佢地刚刚开，果阵我地都带住只狗仔去，店长居然邀请我地带埋狗仔入去饮返杯同食野！一听到狗都入得，即刻入，唔谂。今次去，虽然无带狗，不过就都照入左去，因为呢间野去过几次，经验都好好，每次食完都好开心。老婆唔钟意饮咖啡，所以叫左枝果汁比佢。我自己就点左杯 Flat White。奶味浓得黎又不失咖啡香味，blend得好好。等左一阵，个法式多士黎左，超脆﹑超香口，完全系五星酒店既质素。至于个焗薯，系配沙律上的，好清新，又唔太饱，做下午茶一流。味道佢好香口，配料十足，不过我自己就比较喜欢食焗到㶶㶶地，但我老婆就好钟意呢个喇。