The Chop House (已改名) 查看

用餐当日是情人节。餐厅安排了露天位，因上面是空调排气位，风很大。冬天坐露天席一定会冻死。餐厅出餐非常慢，头盘用了九个字先出到，餐汤用了半个钟，主菜甚至需要一小时先出到，呢间系一间考验耐性既餐厅。当日隔离左右的女伴，都不约而同黑晒面。当你以为慢功出细货/即叫即制，好抱歉你系错。头盘带子煎香完都系仅仅暖，餐汤都系暖，味道一般。主菜系牛扒同虾牛扒叫5成熟同我煎到起码7成熟牛扒无牛味，极为普通，似花x餐厅货色。薯皇同d女人块面一样，㶶晒。怀疑佢冻左再翻热。 椰菜花味道一般。另一道主菜为烧春鸡，同你出面食鸡扒差唔多，系整熟左既鸡，我唔知佢烧左去边，极其量系熟鸡一只。 除左食物质素唔掂之外，店员都好有问题，很多客人因户外冻要求调返入室内位，却被店员埋怨调位令到佢地唔知上菜上到边度。 另外餐厅声称会帮情侣系个布置左既位影即影即有，当日亦不见该店提供此服务。价钱都唔算实惠，每人520再另收加一。阁下想以身试伏或者挑战你女伴既eq 不妨可以考虑帮衬呢间野。