利寶會館

营业中

休息中

服务差：订咗7:30晚饭，侍应俾个晚餐蛇羹套餐餐牌我哋，我哋落完order跟住又话个餐因为太抵，所以要预早几日订，冇得即场叫，咁你又俾我睇？8:00左右已经话last order。9:00自动埋单，因为未食完，我哋问系咪先埋单仲可以坐多阵？侍应话差唔多要走，叫我哋食快啲。大佬，9:00，食咗个几钟头咋，仲急过食午餐。食物一般至差：嗌咗羊腩煲，咁梗系跟生菜啦，点知跟咗西洋菜。叫佢换返生菜，等咗好耐仲有面色睇。啲羊肉好酥，偏咸。听佢介绍食蛇羹，啲蛇羹好稀。又系偏咸。乳鸽普通，啲皮唔脆。唯一虾子柚皮比较正常。可能相对其他地方小机会食。价钱：原先叫套餐话加一碗蛇羹$138，我哋都冇意见，叫完又话我哋冇叫套餐，所以每碗系$168。咁系你唔俾我叫套餐，我哋由头到尾都冇话价钱贵，但又系有面色睇。俾你玩完唔通仲要赞你咩？其实我都唔知啲伙计想点。中环价钱，街坊不如嘅服务水平。非常失望。