鐵板一 (裝修中)

非常差！块铁板唔热，牛三成变全熟！系OpenRice订咗位，去到见到餐厅应该唔够人手，安排位置非常混乱。我哋订咗生胴餐，叫咗牛柳配龙虾及肉眼配带子。等咗劲耐先有侍应得闲落餐，因为铁板本身都有热度所以牛扒想嗌生啲，我哋想嗌1成熟，个阿姐劲大声话「下 一成即系冇煎过系雪柜拎出嚟比你㖞」，然后话冇一成，其实港式扒房唔少有一成，金凰都嗌得一成熟，唔咗点解呢间唔得🙄 咁算啦，叫三成，谂住上到枱即刻夹落碟等佢唔好overcook，然后我哋等咗差唔多大半个钟都未有得食，唯有追下侍应，佢好似如梦初醒咁「系㖞 你哋仲未有得食」☺️坐落差不多一个钟后终于有得食啦，不过块铁板系唔热，个汁系冻，块扒叫三成系变咗全熟。其实食港式扒都预咗会过熟，但三成变全熟，块板又唔热系咩玩法？其他港式扒房嗌三成顶多变到七成，全熟真系过分咗。后来见到其他枱块板系热到有滋滋声，出晒烟，真系㷫咗，我比178蚊加一，等咗一个钟，你比啲咁嘅野我？？？块扒系好淋，因为食得出好多松肉粉，过分过金凰同花园餐厅，同埋黑椒味重过牛肉味，完全唔知食紧乜。望落份量好似好大，但食落完全系松肉粉嘅肉质，食完系唔饱。想买难受，大家可以帮衬下☺️