Sahara Mezz Bar (已搬遷) 新店位置

平日最钟意食异国菜，呢间 Sahara Mezz Bar 系认证清真食品，一间拥有浓厚中东色彩既餐厅。一踏入餐厅，店员好热情招待我地，仲识讲「唔该晒」，好好客，十分之有礼貌。餐厅气氛浪漫，又有烛光伴餐，好岩情侣黎二人世界。前菜系我最爱既鹰嘴豆泥，配上香浓既羊肉，令人无法抗拒。鹰嘴豆泥同包系天作之合，香浓既小麦、鹰嘴豆同羊肉既味道同时系口腔中盛放，好满足。而且羊肉完全唔油腻，羊味十足，不错。沙津包括多款新鲜蔬菜🥬食落口感爽脆，好清新既味道。而最正既一定系芝士，味道香浓诱人，芝士香一直回荡系口中，久久不散。奶昔有别于一般系餐厅，多左份水果既原汁原味，而且无咁甜，饮得好舒服。主角出场！主角系我最爱既炖羊肉，酱汁浓而不腻，羊肉口感香软无比，令人忍唔住一口接一口。无论主菜定系配料都好出色，薯仔吸收晒所有精华，味道层次更丰富。最后当然唔少得食饭，米饭既口感相当特别，好似食紧蟹籽咁，配埋微酸既酱汁，开胃到唔洗一阵已经食晒成碗饭，非常幸福既中东菜体验。