18樓雞煲火鍋專門店

营业中

休息中

妈咪话未食过鸡煲，就带咗佢嚟18楼鸡煲！因为朋友经常介绍18楼鸡煲好好食。我地拣左套餐A, 最平但食物种类已经好多，性价比超高！妈咪对食鸡嘅要求好高😂连佢都话好食。旧旧鸡都好大旧又多肉，唔会斩到好碎湿湿，又好嫩滑好入味。我好中意18楼鸡煲个酱汁够浓郁，够惹味。叫咗小辣，唔系好食得辣嘅妈咪都完全冇问题！食完鸡之后就可以自助加鸡汤打边炉。我地点左雪花肥牛、特级肥牛、顶级梅头猪肉、猪腩、脆鲩鱼腩、羊肉片、响铃、生根、各种嘅丸等等。 我最钟意嘅系雪花肥牛同埋猪腩片，非常嫩滑唔靭，适量嘅油脂令到好香，又唔会过于油腻。妈咪就不停赞脆鲩鱼腩好味又鲜甜，encore点左几次。同埋话喺街市买嚟自己打边炉都贵架，任食几旧都抵番晒😂😂😂饮品选择都好多，有台式樽装冬瓜茶，又有罐装饮品汽水等等。我想清气下火就拣左竹蔗茅根、夏枯草。最后食埋自己出去唧既雪糕，有抹茶同乳酪味，真系好满足呀！另外，我最钟意呢度环境阔落，感觉非常卫生干净。枱与枱之间分隔得好好。食完之后完全唔觉得身上有好大浸味。