烏蠅館 (新都城中心二期) (已結業)

今日趁天气转凉，再次黎到新都城既乌蝇馆食佢地招牌既烤鱼，有一排无食，估唔到佢地个menu已经转左，今次就可以试下新野。招牌香辣海鲈鱼(小辣) $298一开始叫小辣担心会太辣食唔到，不过一开始果时觉得都唔算好辣。不过食食下个辣味会越黎越出，所以呢个都要番意。香辣汤底口味香浓十分惹味，配上好多种唔同既香料，辣得好爽。海鲈鱼非常新鲜，又唔多细骨，食落啖啖肉，肉质厚实有鲜味。除左鱼冷外，烤鱼本身都会跟几款配料，例如木耳，萝卜同菇等等，每种都十分吸味。莴笋 $28莴笋十分鲜甜，我地比较钟意煮得入味，所以煮到淋哂，等佢可以吸收汤底既精华土豆片 $28土豆片同莴笋一样，最紧要都系可以索到汁，不过唔好煮太耐，好易会溶哂唔见左。鹅肠 $98鹅肠十分干净，口感Q弹带有韧劲，但系唔会有异味，十分好食。炸鱼皮 $38炸得好香脆，渌几秒就可以保留到佢既口感。桂花蜂蜜 $18食辣野紧系要饮返啲蜂蜜滋润下个喉咙，桂花蜂蜜唔系好甜，带带微微蜜香，解辣一流。