協奏坊西餐廳 (已結業)

睇YouTube见有人推介九龙珀丽酒店自助午餐好抵食，每位只系$128 ，同老婆星期日去试试。自助午餐设于协奏坊餐厅。中午12:30到达，客人都算多。食物种类不算好多，但总括味道算不错。最好味首推酱烧骨，排骨几入味，肥瘦适中。烧鸡翼亦算唔错，豉汁蒸鱼块味道亦合格有余。沙律亦有供应，杂果沙律生果算新鲜，蔬菜沙律有几款酱汁任拣，蔬菜亦算新鲜。另有炒饭及茄汁意粉供应，相比之下，炒饭略胜一筹。咖喱角及香肠等亦有供应，味道普普通通。甜品方面，总括来说，面包布甸做得最出色。生果亦有几款供应。值得一提，酒店员工有礼貌，收碟速度亦快，最后埋单时，经理主动免收加一服务费，值得一赞。总括来说，以此价钱，唔可以有什么要求，但食物味道，带嚟一啲惊喜，算不错。