滿屋日本料理 (已結業)

今晚我们去咗我们一家都比较钟意嘅「满屋」喺尖沙咀嘅分店食放题！由于每次嚟他们都会全场爆满同有条长长嘅人龙排喺门口！所以我每次嚟都必定会一早预订！他们供应嘅刺身款式种类比较多，同埋非常新鲜！师傅将个杂锦刺身拼盘堆砌得非常美观，卖相非常吸引！油甘鱼有好浓郁嘅鱼香味，而且非常厚切！甜虾好大只同肥美，味道好鲜甜！北海道角螺非常爽口弹牙！寿司嘅款式都有好多款，不过我比较钟意黑松露中拖罗寿司同柚子油甘鱼寿司，黑松露中拖罗寿司嘅中拖罗肉质非常新鲜肥美同嫩滑，而且入口即溶！柚子油甘鱼寿司嘅柚子将油甘鱼嘅鲜味更加提升，系一个非常完美嘅配搭！海胆手卷嘅海胆非常新鲜甘香同软滑！沙律亦有多款选择，我比较钟意牛油果日本蛋沙律，牛油果非常香浓软滑，同鸡蛋夹埋一齐食，呢个配搭真系非常好！烧有机日本蕃薯仔系妈妈嘅至爱！他们将蕃薯嘅外皮烧得几香脆，入面嘅蕃薯肉非常香甜软滑！他们提供嘅款式种类超多！我仲有好多款式未试齐！所以我一定会再嚟食埋其他食物！最后每位都有一杯雪糕！