影片
更多
2024-10-28
257 浏览
平日收工，最好就系整几串串烧，再队杯啤酒。今日喺尖沙咀揾到间串烧店，个人觉得相当抵食。“喜膳烧”其实佢本身嘅价钱已经相当合理，一阵间我讲就明。但佢仲有各式各样嘅古怪优惠，令到价钱更加抵。例如星期一会有所有嘢食七五折 (以下会用返正价标示)。生力黑啤 (pint) $68一杯黑啤，份量充足，够晒冰冻解渴，绝对够饮一晚。避风塘烧广岛蚝三只 $88个人觉得系最抵食嘅菜式。首先佢一客有三大只，每只嘅蚝肉都好厚好大啖，果然系日本蚝！日本蚝呢个价钱已经够抵，佢仲用避风塘嘅方式去烧，烧出嚟好有风味，而且有啲辣香，非常可口。烧扇贝(蒜蓉) $78 大只加上大量嘅蒜蓉同粉丝，食完会觉得满足。芝士响铃 $26一客有两条，又一个非常抵食嘅菜式。响铃中有芝心，够热又香口。烧白鳝 $72香口无比，够晒厚肉弹牙，鳝味质感丰富。烧烧卖 (沙嗲) $22相当奇特嘅串烧。难得佢并冇将烧卖烧到过干，啲皮都唔会硬晒𠮶只。加上沙嗲汁美味可口。烧猪肋排 $108好大份！猪肋骨肉质松软。烧汁香浓，二人食相当足够。其他值得叫嘅嘢，分别有烧面筋(沙嗲 $24)、烧牛肚 ($29)、烧玉子 ($19)、芝士焗蘑菇 ($49)、烧肉桂焦
“喜膳烧”
其实佢本身嘅价钱已经相当合理，一阵间我讲就明。但佢仲有各式各样嘅古怪优惠，令到价钱更加抵。例如星期一会有所有嘢食七五折 (以下会用返正价标示)。
生力黑啤 (pint) $68
一杯黑啤，份量充足，够晒冰冻解渴，绝对够饮一晚。
避风塘烧广岛蚝三只 $88
个人觉得系最抵食嘅菜式。首先佢一客有三大只，每只嘅蚝肉都好厚好大啖，果然系日本蚝！日本蚝呢个价钱已经够抵，佢仲用避风塘嘅方式去烧，烧出嚟好有风味，而且有啲辣香，非常可口。
烧扇贝(蒜蓉) $78
大只加上大量嘅蒜蓉同粉丝，食完会觉得满足。
芝士响铃 $26
一客有两条，又一个非常抵食嘅菜式。响铃中有芝心，够热又香口。
烧白鳝 $72
香口无比，够晒厚肉弹牙，鳝味质感丰富。
烧烧卖 (沙嗲) $22
相当奇特嘅串烧。难得佢并冇将烧卖烧到过干，啲皮都唔会硬晒𠮶只。加上沙嗲汁美味可口。
烧猪肋排 $108
好大份！猪肋骨肉质松软。烧汁香浓，二人食相当足够。
其他值得叫嘅嘢，分别有
烧面筋(沙嗲 $24)、烧牛肚 ($29)、烧玉子 ($19)、芝士焗蘑菇 ($49)、烧肉桂焦糖菠萝($45)等。特别系个菠萝，够晒甜，而且好靓仔。
呢度并唔系普通嘅串烧店，佢有各式各样出边冇见过嘅串烧，例如鱼皮饺、响铃、烧卖、牛肚、面筋等等。但一般普通嘅串烧亦做得唔错，特别系个广岛生蚝，焗得非常香口，极之抵食。加埋平时嘅优惠，更加可以多啲嚟。
张贴
