影片
更多
2013-11-11
163 浏览
庆祝朋友生日, 好多时唔系边炉就放题听过番本已经好耐, 但食评好漂忽, 有时D野无谓博, 但见佢呢排OK, 价钱又合理, 决定一试!有订位黎到唔洗等 (有时真系唔明点解D人会唔订位慢慢等)有个6人卡位, 都算每人有舒适空间的!坐低, $178, 但有个升级放题, 有赤虾, 大带子, 羊架, 加50蚊每位, 我呢D咁钟意虾O既人, 当然谂都唔谂就加啦!!一落单, 当然系狂叫刺身先啦, 普通级的刺身好快就到了!咁O既价钱, 一定谈不上极品, 但绝对系同级的水准之上, 赞!食食下, 个升级黎到, 个个即刻停晒手, 手机即刻拎晒出黎, 因为个赤虾真系有够大只!!!!玩完一轮, 食喇!!!!!!肉质好好, 我会形容为甜虾加大版, 但冇左份糖咁甜的甜, 多了一份鲜甜, 而且新鲜度之高系个虾头的虾脑都可以食埋, 我D朋友就唔敢食, 我就食埋, 少少甘苦, 好食!大带子就张佢片薄左, 明显系因为成本问题而咁切, 我会话, 味道不变, 但失了食大带子O个种满足!但我都系O个句, 咁O既价钱, 要求唔可以太高, 别人也要生存了吧!其实升级放题仲有北寄贝, 油甘鱼等, 但赤虾太吸引, 我全力进攻赤虾 都要提
听过番本已经好耐, 但食评好漂忽, 有时D野无谓博, 但见佢呢排OK, 价钱又合理, 决定一试!
有订位黎到唔洗等 (有时真系唔明点解D人会唔订位慢慢等)
有个6人卡位, 都算每人有舒适空间的!
坐低, $178, 但有个升级放题, 有赤虾, 大带子, 羊架, 加50蚊每位,
我呢D咁钟意虾O既人, 当然谂都唔谂就加啦!!
一落单, 当然系狂叫刺身先啦, 普通级的刺身好快就到了!
咁O既价钱, 一定谈不上极品, 但绝对系同级的水准之上, 赞!
食食下, 个升级黎到, 个个即刻停晒手, 手机即刻拎晒出黎, 因为个赤虾真系有够大只!!!!
玩完一轮, 食喇!!!!!!肉质好好, 我会形容为甜虾加大版, 但冇左份糖咁甜的甜, 多了一份鲜甜,
而且新鲜度之高系个虾头的虾脑都可以食埋, 我D朋友就唔敢食, 我就食埋, 少少甘苦, 好食!
大带子就张佢片薄左, 明显系因为成本问题而咁切, 我会话, 味道不变, 但失了食大带子O个种满足!
但我都系O个句, 咁O既价钱, 要求唔可以太高, 别人也要生存了吧!
其实升级放题仲有北寄贝, 油甘鱼等, 但赤虾太吸引, 我全力进攻赤虾
都要提一提, 羊架肉质好好, 林滑有肉汁, 但你可以叫师傅唔好咁熟, 我睇佢烧到有9成, 但我食开5成的,
佢黎的时间仲有MINT JELLY, 我大赞, 咁舍得俾MINT JELLY
但呢度MINT JELLY偏甜, 薄荷味不足. 我不喜, 如果不喜欢MINT JELLY 甜的话, 可以唔好点.
蟹粥都系一个较有惊喜的食物, 平时食的放题蟹粥, 我会形容为, 用无味的水蟹放上个白粥面但呢度的, 粥本身都有少少味, 有姜丝, 有菇丝, 蟹亦不是差, 明显地是有蟹味落左粥度 !
跟住的串烧, 料理, 炸物, 寿司, 款式之多, 系冇可能全部试晒!但本人较欣赏有, 日本蕃薯仔, 细细粒, 味道好, 你有行开街市, 绝对知唔系平野来的.
另外, 鸡软骨棒又系较为成本高的货, 出去食, 38蚊可能得2-3枝, 呢度任食, 抵赞!
其余的食物就系你会预计到的味道啦, 都唔多讲
炸朱古力香蕉, 必食!!!! 完全系香蕉的香甜, 衬上少少苦的朱古力酱, 出奇地好食!!!!
烧有机菠萝, 简单讲! 林, 同香甜! 系唔系有机我就唔识分喇, 哈
最后, 一定要讲, 我系一个酒鬼, 呢度只任饮的梅酒好有质素!
总括, 我都食唔少放题, 呢间的性价比非常之高, 由其系升级后, 所以我建议大家, 唔好悭O个50蚊, 悭50, 包你后悔!
张贴
