御家迴轉壽司 (已結業)

几个女仔，谂住揾个坐得舒服既地方食个靓饭！都唔系话特别高要求。去到琼华，见到呢间野睇落唔错就上去。环境系唔错，但系服务简直令人火滚！首先落单无人理，服务员、上菜员态度差劣。d野等左成半个钟，先开始逐样逐样同你慢慢十五分钟一客咁上，食到个人到喉唔到肺。追单好似追数咁，仲要漏单，唔好意思都无声！食物方面就一般啦。个强逼性必须order既十蚊前菜（4个人要叫两客）简单系垃圾！所谓螺肉同海蜇只得四、五粒（条），生菜、萝卜丝同大根粒占去小碟既八成半！（认真的！）个鱿鱼胆对于喜欢吃「海水」鲜味既食客黎讲算唔错，追得上日本既一般水准，平心黎讲真系新鲜。不过就唔系普遍香港人口味。寿司方面，火炙寿司同生食寿司放埋一齐，俾我既印象系好唔专业，亦唔够卫生。烧三文鱼头一般水准啦，都系烧焦左。埋单只系$50，不过唔系因为平，系因为漏单。落单又无人理，完全令人无意欲再叫野。