影片
更多
2024-02-05
1372 浏览
我从未试过写食评，今次嘅经历实在太离谱，一定要同大家分享。话说星期六晚约咗两个朋友订咗依间餐厅食晚饭，因为其中一个朋友生日，所以我买咗个蛋糕，谂住俾个惊喜佢。我地book咗8:00，8:05我另一个朋友就催我快啲到，因为佢哋只留枱15分钟，食90分钟。我以为好鬼旺啦，点知上到去仲有几张吉枱，唔洗订位都大把位坐。当我见到我朋友时，佢企喺门口等，个侍应见到我到咗至带我哋埋枱，我交咗个蛋糕俾侍应，而佢冇问我任何嘢就攞走左个蛋糕。我哋个餐叫咗鸡胸牛油果沙律（鸡胸太干，冇味）、带子墨鱼汁意大利饭（好咸）、德国脆皮猪手（啲皮唔脆）、ZENSE杂锦拼盘同泰式冬阴蓝青口（还可以）。我哋食食吓个侍应走埋嚟问我哋个蛋糕系咪喺度食？如果系就要收$50！(噢！乜惊喜都冇晒！)我就同佢讲冇问题，会系度食！点不知我哋仲食紧之际，个侍应就无声无息咁攞住个点着咗蜡烛嘅蛋糕放咗喺枱面。我即刻问佢系咪赶住收工？佢冇答我走咗去吧头，同另外一个类似经理嘅男人讲，之后个男人就啤住我，我咪大声问佢系咪赶住收工啰。佢一直都冇答我一直啤住我。当时全间餐厅计埋我哋有三枱客，我隔篱𠮶枱啲𩠌仲系啱啱上，使唔使咁赶客啊？之后又有一个类似厨房
话说星期六晚约咗两个朋友订咗依间餐厅食晚饭，因为其中一个朋友生日，所以我买咗个蛋糕，谂住俾个惊喜佢。
我地book咗8:00，8:05我另一个朋友就催我快啲到，因为佢哋只留枱15分钟，食90分钟。我以为好鬼旺啦，点知上到去仲有几张吉枱，唔洗订位都大把位坐。
当我见到我朋友时，佢企喺门口等，个侍应见到我到咗至带我哋埋枱，我交咗个蛋糕俾侍应，而佢冇问我任何嘢就攞走左个蛋糕。
我哋个餐叫咗鸡胸牛油果沙律（鸡胸太干，冇味）、带子墨鱼汁意大利饭（好咸）、德国脆皮猪手（啲皮唔脆）、ZENSE杂锦拼盘同泰式冬阴蓝青口（还可以）。
我哋食食吓个侍应走埋嚟问我哋个蛋糕系咪喺度食？如果系就要收$50！(噢！乜惊喜都冇晒！)我就同佢讲冇问题，会系度食！点不知我哋仲食紧之际，个侍应就无声无息咁攞住个点着咗蜡烛嘅蛋糕放咗喺枱面。我即刻问佢系咪赶住收工？佢冇答我走咗去吧头，同另外一个类似经理嘅男人讲，之后个男人就啤住我，我咪大声问佢系咪赶住收工啰。佢一直都冇答我一直啤住我。当时全间餐厅计埋我哋有三枱客，我隔篱𠮶枱啲𩠌仲系啱啱上，使唔使咁赶客啊？之后又有一个类似厨房佬嘅物体又企喺吧头啤住我。我直程问佢啤乜？佢先至唔啤。依啲咁嘅餐厅，真系祝佢早日执笠，恭喜佢唔使做！
张贴