影片
更多
2024-08-25
3945 浏览
呢度嘅🦀真系非常新鲜，配合不同嘅烹调煮法，一个非凡嘅🦀宴😋有多款嘅套餐选择，我哋就叫咗「嘉 - 鳕场蟹」，前菜系一个冻食嘅蟹肉啫喱杯，另有秋葵，同埋日本嘅白色粟米🌽，好清新，好开胃👍🏻主菜有「烧鳕场蟹（蟹脚•蟹钳）」，蟹钳大大只，啖啖肉，烧得好香，热辣辣好好味。「鳕场蟹脚天妇罗」，系我最欣赏嘅，炸粉好薄，蟹脚好大条，鲜甜又好多肉，食落去，真系觉得系非一般嘅天妇罗🤤，仲要份量好多，每人有成4至5条蟹脚，我哋食完已经饱咗一大半。「鳕场蟹火锅」同「杂菜盘火锅」其实系一齐食嘅火锅配料，有成十几嚿蟹肉，再加一大兜蟹膏，啲菜🥬根本已经食唔晒，虽然都好新鲜，不过冇浪费到，餐厅主动帮我哋pack好俾我哋拎走。「蟹肉饺子」虽然入边系有好多蟹肉同埋紫苏叶，不过我个人觉得就冇乜特别。食完所有火㶽配料之后，餐厅会再帮我哋整个「杂烩粥」，佢会主动问想要「稀」啲定系要「𠎀」啲嘅，个口感就似系泡饭，佢哋会加只蛋，另外再俾紫菜我哋自己加上去食。最后到甜品，我哋拣咗「绿茶红豆糕」同埋「姜茶」，个姜茶好姜味，就好似食完大闸蟹饮姜茶𠮶种嘅味道，而个「绿茶红豆糕」又唔会太甜，啱啱好。不过去到最尾食甜品嘅时候，我哋张枱系坐喺V
有多款嘅套餐选择，我哋就叫咗「嘉 - 鳕场蟹」，前菜系一个冻食嘅蟹肉啫喱杯，另有秋葵，同埋日本嘅白色粟米🌽，好清新，好开胃👍🏻
主菜有「烧鳕场蟹（蟹脚•蟹钳）」，蟹钳大大只，啖啖肉，烧得好香，热辣辣好好味。
「鳕场蟹脚天妇罗」，系我最欣赏嘅，炸粉好薄，蟹脚好大条，鲜甜又好多肉，食落去，真系觉得系非一般嘅天妇罗🤤，仲要份量好多，每人有成4至5条蟹脚，我哋食完已经饱咗一大半。
「鳕场蟹火锅」同「杂菜盘火锅」其实系一齐食嘅火锅配料，有成十几嚿蟹肉，再加一大兜蟹膏，啲菜🥬根本已经食唔晒，虽然都好新鲜，不过冇浪费到，餐厅主动帮我哋pack好俾我哋拎走。
「蟹肉饺子」虽然入边系有好多蟹肉同埋紫苏叶，不过我个人觉得就冇乜特别。
食完所有火㶽配料之后，餐厅会再帮我哋整个「杂烩粥」，佢会主动问想要「稀」啲定系要「𠎀」啲嘅，个口感就似系泡饭，佢哋会加只蛋，另外再俾紫菜我哋自己加上去食。
最后到甜品，我哋拣咗「绿茶红豆糕」同埋「姜茶」，个姜茶好姜味，就好似食完大闸蟹饮姜茶𠮶种嘅味道，而个「绿茶红豆糕」又唔会太甜，啱啱好。
不过去到最尾食甜品嘅时候，我哋张枱系坐喺VIP房出边嘅，怀疑入边嘅乘客偷食烟，好浓烈嘅烟味，有啲扫兴，所以即刻埋单走人。
张贴
