伙食工業 (已結業)

朋友话带我去试一间好多人话好好食嘅平民食店，我梗系话好啦！不过地点喺火炭就唔算方便啦！好啦，我满怀期望咁黎到，噢……装修都几简约……因为出面有live band都坐满哂，我地就入去房仔啦！老老实实……太昏暗啦，我入到去好不安，而且加埋啲旧家私「up」味，好似会有老鼠喺我脚边跑过咁样，惊惊。order要自己行出去冇人埋黎serve你的，睇menu系好大众化嘅价位，叫左一1杯咸柠7，1杯荔枝soda，umm...饮品系okay的。再黎个鲁肉饭。。哗，卖相已经唔得，啲肉瘦到呢……个汁又冇味，唔掂啊！黑松露薯条系全晚最好食㗎啦！薯条炸到外脆内软，加埋黑松露酱，呢个应该好难整得唔好食啦系咪?盐酥鸡炸到好干，冇乜盐酥味，仲好似冇鸡皮咁㖞，点得㗎，冇鸡皮边到好食㗎，我觉得豪大大鸡排好食啲㖞 （爆）炒A菜系全晚第2好食嘅，都系果句啦，炒菜除非过左火先会难食嘅，我就2嫌佢太多油，其余嘅都ok。食到呢到我已经好失望吓，朋友仲叫多个炒大肠。。。妖，想爆粗啰，有阵「压」味嘅，点食啊（嬲）。总括黎讲除左价钱大众化外，我唔知仲有咩好讲噜。