Passion (朗豪坊) (已結業)

承接「面包篇」后！到咗本人重点极力推介嘅「甜品篇」！我们叫咗热情果栗子挞、杂莓慕丝饼、朱古力开心果饼、热情果黑莓饼、红莓拿破仑、焦糖法式冰淇淋、开心果法式冰淇淋同Passion  Chocolate  Chaud！热情果栗子挞嘅栗子溶非常香甜软滑，饼底相当松脆！杂莓慕丝饼、朱古力开心果饼同热情果黑莓饼嘅卖相非常精致吸引，外层好有光泽平滑，入面嘅蛋糕极之软滑，杂莓同热情果嘅味道酸酸甜甜非常醒胃，朱古力同开心果配搭嘅味道亦好特别，再加埋底层嘅脆脆，真系好好味！红莓拿破仑嘅饼底都几松脆，再加埋香甜嘅吉士同红莓一齐食，真系几好味！焦糖法式冰淇淋同开心果法式冰淇淋嘅冰淇淋嘅味道好香浓，但唔会过甜，而窝夫杯超香甜松脆！Passion  Chocolate  Chaud嘅朱古力味超级浓郁，感觉好似食紧预备溶化嘅朱古力咁，极之香甜软滑！环境装修都几舒服！