一心素食 (已結業)

好开心揾到呢一间素食店，非常有心嘢食又平靓正。一入到嚟发觉原来呢一间素食店同慈济又关联，counter度有售卖慈济嘅产品，亦都有organic嘅产品，例如粉红晶盐等，环境都干净。超impressive嘅系佢哋上菜速度快如闪电， 但唔会话啲菜已经系ready咗好耐唔够新鲜，而且样样𩠌都好分量。食左259蚊既二人套餐，前菜紫薯饼个馅料好多而且炸得脆口得嚟唔油;黑松露秋葵炒滑蛋超好食，蛋滑秋葵又多;咖哩鲜蔬素肉腩好大分，肉腩系蘑菇整成，蘑菇味出众，唔似平时𠮶啲素食店话系蘑菇类或者大豆整成系一食落去成阵味精同粉味。一心炒饭都有好多材料好多菜粒！唯一美中不足嘅系佢哋嘅五青汁系已经整咗好耐，同埋啱啱服侍道我哋个侍应 态度有啲似训导老师同埋唔耐烦，不过呢啲嘢可能都只系啱啱𠮶日心情唔好啫，其他例如食物呀售卖部𠮶啲全部都好钟意，回头率超高。