砂煲兄弟 (東港城) (已結業)

今晚肥妹仔同屋企人去咗将军澳东港城一间叫沙煲兄弟嘅茶餐厅食饭，唔好睇佢好似茶餐厅咁，但系入面嘅装修非常之有特色，有五六十年代嘅感觉，好特别。另外佢嘅餐单亦都唔系一般茶餐厅嘅餐单。砂煲小炒皇  $88呢一个小炒王攞嚟送饭一流，因为真系好香好浓味。入面有炒到好香嘅腰果，虾干，鱿鱼，韭菜花，酸菜粒等等，每一种味道都非常重，非常惹味。唔系酸菜鱼  $108好搞鬼嘅名称，虽然佢话佢唔系酸菜鱼，但其实就系酸菜鱼。不过唔同啲嘅佢嘅鱼系用咗鱼片，完全冇骨，食落去非常方便。肥妹仔我就嫌佢唔辣，净系得酸味，如果辣啲就perfect!金沙虾碌  $152咸蛋黄炒虾碌，咸蛋黄味好浓，虾碌都算几大只，虾肉结实，好食。鹅肝慢煮牛柳煲仔饭  $138呢一度嘅煲仔饭有好多唔同嘅款式，甚至有少少似fusion菜，呢一个慢煮鹅肝牛柳煲仔饭就系其中一款。佢嘅鹅肝煎到微脆，劲香鹅油嘅味。另外牛柳好滑，仲有饭焦，超好食。咸鱼肉饼煲仔饭  $62简简单单，但系超级好食。肉饼唔会过咸， 食落去好香。而佢嘅咸鱼 嘅份量都好多，亦都唔会好咸，食落去刚刚好。