快靚正燒味粉麵茶餐廳 (已結業)

是日仍外祖母生日，作為乖孫嘅我梗係要斬料賀賀佢啦！話說屋企同深水埗有一大段距離，但婆婆鐘意食，專登搭車出黎買黎食都抵叉燒$90(1斤) 識食一定食半肥瘦叉！呢度既叉燒肥瘦分明，叉燒既邊位 微微燒焦 更加香口。 叉燒醬明顯自家配方比外界的黎得香甜可口， 嗜甜者必食！燒肉$90(1斤) 燒肉最緊要係咪一個脆字！脆得黎要有肉汁先顯得有大師級風範，依到燒肉又脆又有肉汁簡直係上乘。 老闆仲同我分享腩骨同燒肉既分別，極之好客！乳豬($80半斤) 乳豬黎講，現代人咁著重健康，最忌就係一大層肥肉嚇怕咗你。 睇得出呢度餐廳喺選豬方面的確有落過心思。 肥瘦適中，皮脆肉嫩滿油香。燒鴨($70半隻)燒鴨一拿到番屋企，爸爸就讚佢色澤均勻，燒得靚。 原來餐廳呢到有自家燒爐， 不論鴨身定鴨脾，都充滿肉汁，配以自家調配燒鵝汁，充滿左家既感覺。 並非一味搭配酸梅醬咁單調。油雞($55半隻)油雞除左色澤要均勻， 上色上味之餘，就要肉嫩。 呢隻雞做得唔錯。 事關雞唔算大隻， 相信餐廳對火候控制十分嚴謹。