影片
更多
2016-02-08
3060 浏览
今日系除夕夜, 男友话要去返我哋第一次约会嘅餐厅, 就系位于西环嘅呢一间比利时餐厅. 本身得一间细舖, 而家可能生意好咗啦, 已经喺隔离再开多一间. 我哋好彩可以去返我哋第一次来个间. 仲记得我哋当日呢系坐吧枱, 当时男朋友仲依然系肥嘟嘟, 佢为咗等我坐得舒服啲, 自己坐系走廊位, 出入都俾人迫住哂, 谂起个场面真系又浪漫又好笑, 今日我哋比安排坐咗系靠墙位置, 坐得舒服. 虽然餐厅嘅size比较细, 但系里边嘅装饰一丝不苟架, 感觉好似去咗外国咁. 我哋叫咗个新年餐, 唔使烦吖嘛. 个餐包一杯比利时啤酒, 店员介绍呢只PIRAAT金啤, 系比利时岩岩攞奖, 香麦味, 味道不太浓.另外店员再介绍左另一只较啱女仔饮既, CAROLUS, 呢只麦味再重啲, 而且味道带甜, 我钟意!首先头盘有烟肉带子沙律, 带子非常新鲜, 烟肉将带子嘅鲜味及口感提升至另一个层次, 沙律菜捞埋意大利醋, 感觉清新醒胃再嚟一个龙虾汤, 呢个龙虾汤真系好有HEART, 相信系自家新鲜上汤肴制出嚟嘅, 好有龙虾既甘香同鲜味, 隔离个餐包唔好睇佢细细条, 亦都花足心思, 烘焗过吹卜卜.记得我哋第一次来呢度都有食依道菜
虽然餐厅嘅size比较细, 但系里边嘅装饰一丝不苟架, 感觉好似去咗外国咁.
我哋叫咗个新年餐, 唔使烦吖嘛. 个餐包一杯比利时啤酒, 店员介绍呢只PIRAAT金啤, 系比利时岩岩攞奖, 香麦味, 味道不太浓.
另外店员再介绍左另一只较啱女仔饮既, CAROLUS, 呢只麦味再重啲, 而且味道带甜, 我钟意!
首先头盘有烟肉带子沙律, 带子非常新鲜, 烟肉将带子嘅鲜味及口感提升至另一个层次, 沙律菜捞埋意大利醋, 感觉清新醒胃
再嚟一个龙虾汤, 呢个龙虾汤真系好有HEART, 相信系自家新鲜上汤肴制出嚟嘅, 好有龙虾既甘香同鲜味, 隔离个餐包唔好睇佢细细条, 亦都花足心思, 烘焗过吹卜卜.
记得我哋第一次来呢度都有食依道菜, 白酒煮青口. 原来男友当时系唔系好好海鲜嘅. 但系佢见我咁钟意食, 佢自己都食埋一份. 佢话唔知系咪同我一齐耐左, 连口味都变咗, 而家钟意左食海鲜好多, 今次佢连汁都LAM埋, 嘻嘻! 旁边个薯角都好出色, 炸得惹味松脆, 而且条条肥美, 再加上佢个带点芥茉既忌廉酱汁, 点薯角真系一流啊! 不过呢我还是钟爱番茄汁!
到咗MAIN COURSE嘅时间啦, 先来RIB EYE 5成熟先啦! 哗! 呢块扒好得, 肥肉均匀, 而且肉质鲜美, 咬落去甘香多汁, 可以媲美日本和牛啊!
另外叫咗龙虾天使面, 个龙虾亦都相当有惊喜, 肉质非常鲜味, 而且熟到啱啱好, 唔会太靭, 龙虾汁再加埋一齐焗嘅芝士天使面食真系一流啊!
再赞嘅就系个龙虾钳啦, 因为小妹呢非常之懒, 好怕系街度食啲蚬壳类又要MEET又要拆嘅东西 , 咁我就要求店员可唔可以帮我拆咗个蟹拑啦, 点知佢唔单止好乐意, 仲帮我拆得好靓再系上面婶左D HERBS 添, LIKE!
食到呢度其实都饱左八九成啦, 咁当然啦, 甜品系会有另外一个胃既, 呢个餐亦都包一客甜品, 我哋分别叫咗New York Cheese Cake同埋心太软. 估唔到呢度连甜品都做得出色. CHEESE CAKE 口感好Rich而且甜度适中, 真系食多件都仲得呀~!
心太软, 外脆内流, 做到心太软呢一道甜品嘅一贯水准, 再加埋佢旁边个条卷卷非常之有口感.
呢 一餐我会比110分呀! 餐厅仲帮我地影咗张即影即有相, 感觉非常良好啊! 呢度已经成为我地既回忆一部分啦, 我哋两个一定会再嚟帮衬架, 希望可以保持水准!
张贴
