影片
更多
2024-11-19
108 浏览
再去Bingo & Cook，今次去铜锣湾分店。今次试吓佢嘅特色烧肉，特色饮品等，原来视觉效果一如以往丰富😂，味道亦相当唔错。LA 烤牛排（连饭） $240视觉效果并不比50cm海鲜锅逊色。职员除咗会点火🔥，仲会将牛肋骨煮熟，慢慢剪好晒，对食客相当friendly。食落去啲牛味浓郁之余仲非常之腍，好容易嚼。最重要系佢嘅调味，极之充足。部队锅 $208用上大量配料嘅传统部队锅，包括脆皮肠、午餐肉、年糕、鱼糕、菜、韩式面等等，非常丰富。不过部队锅嘅精髓其实喺个汤度。辣味劲度十足，其实摆咩配料落去都好食。Bingo特制紫菜包饭（芝士及牛肉） $80韩式紫菜包饭，入边就系芝士、牛肉、菜、萝卜同黄瓜等。饭粒松软，味道丰富，咬落去唔会黐埋一旧。Blue Lemon Coronarita $98外型非常吸睛嘅倒插式饮品。用上啤酒同柠檬去做，啤酒味同酒精都好浓，其实我怀疑佢落咗tequila。由于杯很大，加上啤酒酒樽本身，其实好够饮。清河西瓜 $98同样系倒插式，用上特制西瓜汁同樽装有气清酒混合而成。虽然酒精达7%，但饮落一啲都唔觉。相当具甜度之余亦能中和辣度，好好饮。现场气氛非常好，除咗环境装修得好
今次试吓佢嘅特色烧肉，特色饮品等，原来视觉效果一如以往丰富😂，味道亦相当唔错。
LA 烤牛排（连饭） $240
视觉效果并不比50cm海鲜锅逊色。职员除咗会点火🔥，仲会将牛肋骨煮熟，慢慢剪好晒，对食客相当friendly。食落去啲牛味浓郁之余仲非常之腍，好容易嚼。最重要系佢嘅调味，极之充足。
部队锅 $208
用上大量配料嘅传统部队锅，包括脆皮肠、午餐肉、年糕、鱼糕、菜、韩式面等等，非常丰富。不过部队锅嘅精髓其实喺个汤度。辣味劲度十足，其实摆咩配料落去都好食。
Bingo特制紫菜包饭（芝士及牛肉） $80
韩式紫菜包饭，入边就系芝士、牛肉、菜、萝卜同黄瓜等。饭粒松软，味道丰富，咬落去唔会黐埋一旧。
Blue Lemon Coronarita $98
外型非常吸睛嘅倒插式饮品。用上啤酒同柠檬去做，啤酒味同酒精都好浓，其实我怀疑佢落咗tequila。由于杯很大，加上啤酒酒樽本身，其实好够饮。
清河西瓜 $98
同样系倒插式，用上特制西瓜汁同樽装有气清酒混合而成。虽然酒精达7%，但饮落一啲都唔觉。相当具甜度之余亦能中和辣度，好好饮。
现场气氛非常好，除咗环境装修得好韩式，佢仲有大型街机可供玩乐。人多人少嚟到都可以尽兴。
张贴
