森美餐廳

营业中

休息中

成日揸车时都会经过呢间cafe，但平时系呢几个商场唧地铺嘅食店表现都一般，所以一直都无食。今晚又再经过，咁岩想揾个地方坐下，就入左去。首先，入到佢之后，佢嘅装饰系几简约工业风，老板放哂自己储嘅figure做装饰，睇得出佢放左好多心机系间舖。之后叫左杯Latte、一件伯爵奶茶蛋糕、同埋一件牛奶蛋糕；三样野都好好味！杯Latte好味过一般连锁cafe嘅咖啡，好滑，而老实讲佢个牛奶蛋糕系好食左伯爵奶茶蛋糕，系有惊喜感觉嘅好味。望下𠴱离枱嘅野食，碟碟都超大份，d食材睇落都好似几正，性价比好高！d野真系好大份(除左蛋糕)，一两个人食会食唔哂，建议一大班人去食。店员态度都几好，有笑容，见我周围望就主动问系咪冷气大洗唔洗转位(但我其实系望紧佢d装修)。我见佢有得order一整个木糠蛋糕，但要pre-order。佢唔收加一，蛋糕$20左右，咖啡$28，价钱合理。真心介绍大家去试下。有惊喜唔错唔错。😋