至尊重慶雞煲 (堅拿道西) (已結業)

是日中学好友聚会，商议边度食好d，天气渐冻，最后决定到呢间铜锣湾新开的鸡煲试下。book左9点半，最尾都要等到十点，本来我唔钟意等位，何况已经特登book位。但呢间餐厅比出面等ge客人提供免费饮品同小食，如鱼蛋，鱼皮之类，虽说种类一般，但可见其心意。最后六条友坐到入去，已经十点都几多人，先鸡煲后打边炉，点左两煲都系中辣，经理话可唔可以整埋一起费事嗮煤气，我地话求其，成班老友都唔介意呢D。虽然鸡煲略觉多油，又摆D头头脚脚落去，但好彩都多鸡件，同埋D肉ok嫩，不会老，调味够重，有洋葱，香菜，冬菇等等。整体都几好味。重头戏系打边炉度，料多唔会漏单，应该有ge都会有，本人最钟意呢度ge鸡子同响铃！劲好味！顺带一提，呢到饮品都几多下，有特色韩国饮料。不过都不得不提，因为鸡煲落油多左，令到打边炉食觉得油腻，要扣分。不过都会番食，要叫佢少油就perfect啦。比起美心个d六十几蚊咩都冇鸡煲，呢度百来蚊任食真系好抵！