三家村水產 (已結業)

小女子上星期六又去左三家村食饭，今次试左个海鲜餐，九种海鲜十种煮法，听已经觉得好吸引，所以决定一试，一上枱个气势已经不得了，吓一吓添。呢个餐贝壳类比较多，主角系龙虾，成个餐我觉得最出色嘅系黄金波士顿，真系有惊喜，除左龙虾系用咸蛋整之外，旁边嘅脆脆原来系用饺子皮炸嘅，真系估佢唔倒，初时重以为系春卷皮。其中一个菜式系用龙虾头煲粥，攞呢啲脆脆送粥一流。每样海鲜都非常新鲜，龙虾粥鲜味突出，两个人食到最后个粥已经好饱，不过都点多一客烧菠萝（当甜品）作为完美嘅句号。