影片
更多
2014-10-28
4391 浏览
今年我生日， 我老公神神秘秘话带我去山顶蜡像馆度玩， 之后就话去顶层睇维港全夜景， 去到差唔多最顶层时就见到Bubba Gump Restaurant。 经过餐门口时， 我老公就话一早Book 好枱， 所以惊喜地入左Bubba Gump 餐厅食饭庆祝生日。一坐低， 枱面有个牌仔有红蓝两面。 如果要Service 就掀去红色STOP FORREST STOP， 自自然然有Staff走埋黎。 枱上除左有牌仔外， 仲有个似啤酒桶的桶， 里面有干湿纸巾、 蕃茄酱、 辣椒仔等等。老公order 左甘草洋葱圈配美式烧烤汁和香草汁、阿甘虾杂锦小食拼盘、 美式秘制猪仔骨配特式酱汁及炸薯条， 饮品系芒果沙冻和士多啤梨汁。 饮品只杯都几特别， 底部有灯发出闪光及图案， 饮用完毕后，Staff会清洗干净完就送左给我们。 甘草洋葱圈配美式烧烤汁和香草汁份量都十分多， 洋葱圈薄切如丝， 再炸到好香脆， 啖啖都外脆内软。 点少少烧烤汁和香草汁, 更香口。阿甘虾杂锦小食拼盘望落去每样少少， 似乎不多， 但去到享用时先发觉份量都好多。 拼盘有炸海鲜虾球、酥炸鲜虾、冻虾和辣汁鸡块， 全部放在船仔内， 卖
一坐低， 枱面有个牌仔有红蓝两面。 如果要Service 就掀去红色STOP FORREST STOP， 自自然然有Staff走埋黎。 枱上除左有牌仔外， 仲有个似啤酒桶的桶， 里面有干湿纸巾、 蕃茄酱、 辣椒仔等等。
老公order 左甘草洋葱圈配美式烧烤汁和香草汁、阿甘虾杂锦小食拼盘、 美式秘制猪仔骨配特式酱汁及炸薯条， 饮品系芒果沙冻和士多啤梨汁。 饮品只杯都几特别， 底部有灯发出闪光及图案， 饮用完毕后，Staff会清洗干净完就送左给我们。
甘草洋葱圈配美式烧烤汁和香草汁份量都十分多， 洋葱圈薄切如丝， 再炸到好香脆， 啖啖都外脆内软。 点少少烧烤汁和香草汁, 更香口。
阿甘虾杂锦小食拼盘望落去每样少少， 似乎不多， 但去到享用时先发觉份量都好多。 拼盘有炸海鲜虾球、酥炸鲜虾、冻虾和辣汁鸡块， 全部放在船仔内， 卖相好得意又特别。
冻虾， 用最传统方法上碟， 没有添加任何酱汁， 吃到最鲜甜鲜虾味道。 咬落去啖啖爽口弹牙， 虾鲜味十足， 最值得赞既系冻虾的肠都已经挑走了。 酥炸鲜虾沾满面包糠， 炸到外香脆内弹又够松化， 点些酱汁更好味， 整个鲜味也大大提升。 辣汁鸡块味道甜甜酸酸带辣， 第一啖品尝到甜酸， 而辣味会在口里慢慢渗出黎， 到最后都几辣下， 但十分开胃的一道菜。
美式秘制猪仔骨配特式酱汁及炸薯条呢道菜系个Staff 极力推荐。 猪仔骨配烧烤汁， 一上枱已经芬香朴鼻， 香到不得了。 咬落去猪仔骨既肉质嫩滑又香口，入口即溶， 再配上佢地特制既汁，juicy十足， 味道刚好适中， 十分香浓。
最后食食下饭， Sfaff 就突然熄灯及棒住已点了生日蜡烛既甜品入黎， 就叫我先起身， 再要我棒住碟甜品， D Staff 就开始Rap 住唱生日歌， 最后仲叫附近邻近既枱一齐拍掌欢呼， 惊喜十足。 我非常surprise简直笑到停唔到。
张贴
