餃掂手工餃子雲吞專門店

终于挨过第五波疫情，可以出返去晚市堂食，今次想食啲特别嘅嘢，记得将军澳有一间饺子好出名，疫情之前已经想食啦，今次终于得偿所愿，佢系位于商场入边宝琳站一出行5分钟就到非常方便，我哋由于好肚饿，所以嗌咗好多嘢食，有麦栈鸡翼，细份嘅四川芝麻酱捞面，两款唔同嘅饺子，寿喜烧牛肉同埋芫荽猪肉饺子，仲有我最钟意食嘅黑松露糖心蛋，饺子方面两款都剪得好香口尤其是芫荽猪肉，啲肉汁锁住系个皮入面简直系爆汁，而且馅料方面亦都好足料，糖心蛋方面住得啱啱好加上黑松露嘅精华完全系锦上添花，而鸡翼正正常常，加上麦栈甜甜地几开胃。饮品方面我哋嗌咗冻豆浆同埋柠檬薏米水，作为解渴十分一流。其实佢呢间本身都好多分店下次可以试埋其他地区嘅分店。