稚內日式創作料理居酒屋 (已結業)

今日同几个女仔朋友去花墟行下，之后我地想食日本菜，经过旺角警署对面，见到呢间新开既日本餐厅都蛮多人等位，就去试下啦 门口安排我地入座的侍应好好礼貌呀，仲有椅子比我地坐低，未有位望下餐牌先，佢好细心讲解呀，又介绍啲菜式系乜、点制作，而家出面好少呢d服务lu 好快有位喇， 一入到店，装修好舒服，好有日本居酒屋既feel，系我钟意既style 虽然餐厅只有十多桌，但服务员都好似有成五个，环境都唔错几舒服，座位之间亦算寛阔，上菜速度合理，中间有时间吹吓水，又唔会赶人走咁 至于味道，我地几个女仔都觉得样样都唔错，尤其是刺身好新鲜，带子好甜好肉地 食饱走喇.....出到门口才见到玻璃门贴住都市日报的采访，主厨曾在澳门的Robuchon a Galera学习法国菜，他们除用料新鲜外，烹调方法也不马虎...... 真系一间有诚意的日本料理， 质素媲美高级西餐厅出品的Fine Dining菜式，值得大家一试，尤其系服务好，唔会扫大家兴，我地已约好下星期再去呀