富雅海鮮酒家

营业中

休息中

当晚我地公司一行廿一人，包左两围枱黎到呢一间西贡富雅海鲜酒家，试完之后想强烈推介！首先讲讲个环境，因为我地系公司同事聚餐，所以都希望有个静d既环境食餐饭。事前电话联络已经知道佢地有两间大房，每间有三张枱，于是预早book定佢地其中一间房既两张大枱，而当晚间房第三张枱都只系一家四口，所以环境方面一d都唔嘈杂，非常适合我地一大班人聚餐！如果大家去的话，一定要揾厨房大佬冯师傅！因为系公司活动晚饭，所以要睇住个budget，亦都因为咁，同厨房大佬倾个菜单倾左好多次，但系佢俾我烦左接近成个月都仲好好耐性！仲劲周到帮我地设计个菜单，好细心帮我地谂点样可以抵食d！！亦都满足到我地既要求，菜单有晒我地想要食既菜式！价钱方面，佢地比入选米芝莲的平成半，但味道同事认为更佳！份量亦都完全冇打折头，全部大大只！睇下面d相就知！因为只可以upload八张相，所以补充下除左相入面既食物之外，其实当晚每围仲有白灼基围虾、海鲜汤同埋两碟菜，真系非常抵食！当晚餐厅其他伙计服务都好好！唯一不足系可能因为佢地太忙，所以当晚准备左庆祝同事生日既两个天使蛋糕系需要自己问厨房拎，之后自己放d焦糖脆脆上去个蛋糕度同埋最后＂上菜＂。