佐賀山田 (已結業)

青衣城嘅餐厅都试到七七八八，一直系差呢间，因为见佢系食放题，梗系要肚饿啲先去~ 今晚咁岩系我同男朋友都好肚饿，机会终于嚟啦我哋闲日夜晚七点几去到，餐厅都已经坐满左七八成，相信假期会更加多人~ 餐厅几特别嘅位系有烧肉同火锅可以拣，区内应该都唔多呢种餐厅~ 选择困难症嘅我哋都挣扎咗一段时间先决定到，因为两样都好似好正咁~ 虽然现场好似食火锅嘅人多啲，因为汤底选择都好多，不过今日咁啱我哋都想食啲香口啲嘅嘢，所以决定食烧肉一坐低当然先去拎嘢饮同雪条，选择都几多，仲有少少熟食顶下肚先，质素都数错，期待一阵可以不停食牛~ 好彩上菜速度好快，我哋叫嘅肉好快已经到齐，肉类嘅选择好多，不过当然我哋都系集中叫澳洲黑安格斯牛肉，脂肪分布都几平均，食落肉味好浓，唔会太油太漏，钟意食牛味比较浓嘅人应该会好岩口味期待下次黎可以试下火锅