影片
更多
2010-12-18
628 浏览
临近冬至，梗系要同班兄弟食餐饭啦！不过好多出色嘅食肆已经book满晒，而北角凤城竟然仲有位，即刻book位，仲写埋D预订嘅菜式先。去到未人齐，叫D餐前小食送下酒先，叉烧唔错，唔太腍，有咬口，不过小弟略嫌佢唔够肥。友人话鸡脚都好正，不过小弟唔啜脚趾，冇食到。大家谈天说地讲是非后，人齐啦！起菜！先嚟金钱鸡，原来全枱大部分人都未食过金钱鸡，大家都觉得好新奇。小弟细个跟老豆都食唔少，D童年回忆即刻返晒嚟！呢度D金钱鸡都唔错，如果旧冰肉厚DD就更正！再嚟系煎藕饼，大家一致赞好。热辣辣，表面煎得香脆，鲮鱼肉够弹牙，加埋爽口嘅莲藕粒，又系送酒嘅佳品。锅贴大明虾脆口嘅食物自然受欢迎，大虾够弹牙，不过用千年油炸嘅面包，始终有D油「益」味。金钱蟹盒最有期望嘅一味，通常都系最失望嘅！油浸嘅蟹盒，虽然香脆，不过咬一啖，成口油。而且唔见有蟹肉，只有少量虾肉，有D揾笨之嫌，老婆𠮶旧仲有多条虾须，真系唔多掂！主菜嚟喇！煎酿鲮鱼，其实同藕饼差唔多，只不过有D汁。小弟都系钟意煎藕饼多D。紫姜彭公鹅超正！只鹅够肥大，鹅肉够入味，个汁酸酸甜甜，好开胃，大家唔凑米气嘅都忍唔住要叫碗饭嚟捞汁。最后要个焗布甸埋尾，布甸唔太甜，啱
去到未人齐，叫D餐前小食送下酒先，叉烧唔错，唔太腍，有咬口，不过小弟略嫌佢唔够肥。
友人话鸡脚都好正，不过小弟唔啜脚趾，冇食到。
大家谈天说地讲是非后，人齐啦！起菜！先嚟金钱鸡，
原来全枱大部分人都未食过金钱鸡，大家都觉得好新奇。小弟细个跟老豆都食唔少，D童年回忆即刻返晒嚟！呢度D金钱鸡都唔错，如果旧冰肉厚DD就更正！
再嚟系煎藕饼，
大家一致赞好。热辣辣，表面煎得香脆，鲮鱼肉够弹牙，加埋爽口嘅莲藕粒，又系送酒嘅佳品。
锅贴大明虾
脆口嘅食物自然受欢迎，大虾够弹牙，不过用千年油炸嘅面包，始终有D油「益」味。
金钱蟹盒
最有期望嘅一味，通常都系最失望嘅！油浸嘅蟹盒，虽然香脆，不过咬一啖，成口油。而且唔见有蟹肉，只有少量虾肉，有D揾笨之嫌，老婆𠮶旧仲有多条虾须，真系唔多掂！
主菜嚟喇！煎酿鲮鱼，
其实同藕饼差唔多，只不过有D汁。小弟都系钟意煎藕饼多D。
紫姜彭公鹅
超正！只鹅够肥大，鹅肉够入味，个汁酸酸甜甜，好开胃，大家唔凑米气嘅都忍唔住要叫碗饭嚟捞汁。
最后要个焗布甸埋尾，
布甸唔太甜，啱晒大家嘅口味，不过嗜甜嘅小弟就觉得争D，而且唔够香滑，食唔返以前旧式酒楼用玻璃兜焗嘅莲蓉布甸，不过都已经算唔错！
食物有一定嘅水准，不过最紧要系成班兄弟一齐有讲有笑，一齐摸住酒杯底，食餐好嘅，真系此刻无价！
张贴
