滝壽司 (已結業)

夜晚收工想揾个地方静静地食饭倾吓偈，拣咗呢间位于铜锣湾闹市区嘅滝寿司，晚市主打Omakase，安排咗我哋坐bar枱，可以一边欣赏师傅点处理啲食材，一边享受吓宁静嘅Fine Dining🙆🏻‍♀️前菜系带少少梅味酸酸地嘅水云，酒煮弹牙嘅荣螺，非常之甜嘅北海道粟米同埋经炙烧过嘅赤海虾，开胃一流😋石门贝寿司，寿司饭系师傅手控，适中唔会散开又唔会有硬，师傅会系上菜前先拍一拍个石门贝，系佢收缩紧时候就要即刻食，十分爽口👍鲈鱼刺身比较清淡肉质柔软，另一个系鲈鱼寿司加炒香乌鱼子，另一种味道，油香浓厚😋北海道帆立贝寿司中间夹住蒸过嘅紫海胆，肥美同2个食材嘅味道都好夹🫶🏻池鱼配自家制无花果做嘅酸汁加磨碎芝麻，食落去完全冇鱼腥味🙆🏻‍♀️赤海胆下面系寿司饭，清淡甘甜😋底下系渡蟹嘅蟹肉蟹膏配日本白桃蛋黄酱，质感系似他他咁🤣第一次食竹签鱼寿司，表白经炙烧释放鱼油，但食落去唔油又唔柴👍烧剑鱼配鱼子酱加橡木烟熏，一打开好香嘅烟熏味，剑鱼质感厚实，烧到有少少焦香，咁多道菜宜个最出色😍用发酵过米康腌制胡麻青鱼，有类似清酒果种酒味，几特别！海鲜清汤，用虾蟹熬嘅汤底，有蟹肉、蚬肉同九绘鱼，系九州班科鱼，清甜消除油腻感👍🏼