影片
更多
2020-12-28
4261 浏览
呢间位于中环嘅omakase由两位日本师傅同两位香港师傅主理 基本上一位师傅会serve两台嘅客人 确保到师傅可以关照到客人嘅需要 我觉得呢一点非常值得欣赏👍今次嘅lunch omakase就分开咗两款 出水($1180) 同 神水($680)我哋就点左神水 会有12贯寿司💁🏻♀️.🎈茶碗蒸入边有一丝丝蟹肉同少少蟹膏 蛋蒸得好滑 整体味道鲜甜系一个几好嘅开胃菜👍评分: 8/10.🎈八瓜鱼八爪鱼用豉油煮得非常之淋 同一般嘅八爪鱼烟韧感觉完全唔同味道咸咸鲜鲜 口味较浓 虽然几好食但系作为开胃前菜就有少少重口味评分: 7/10.🎈中拖罗第一件上嘅寿司就系中拖罗 由于系中拖所以唔算十分肥整体系新鲜、有鱼味 不过第一旧寿司饭就热左dd 食落口会感觉到鱼生同饭嘅温差评分: 7/10.🎈目鲷鱼肉系爽弹既感觉唔系好重鱼味同油脂香 所以系食鱼既质感属于比较清淡嘅 有淡淡既柚子味 但就咁岩有一条根🤭评分: 7/10.🎈甜虾甜虾一次过有三只 坦白讲唔算好甜 但系胜在数量够多👍每一口都系虾肉 非常满足既感觉🥰评分: 7/10.🎈金目鲷一般出面食金目鲷都会烧一烧迫d 油脂出黎呢到就冇 食返佢既原汁原味整体系肥美
基本上一位师傅会serve两台嘅客人 确保到师傅可以关照到客人嘅需要 我觉得呢一点非常值得欣赏👍
今次嘅lunch omakase就分开咗两款 出水($1180) 同 神水($680)
我哋就点左神水 会有12贯寿司💁🏻♀️
.
🎈茶碗蒸
入边有一丝丝蟹肉同少少蟹膏 蛋蒸得好滑
整体味道鲜甜系一个几好嘅开胃菜👍
评分: 8/10
.
🎈八瓜鱼
八爪鱼用豉油煮得非常之淋 同一般嘅八爪鱼烟韧感觉完全唔同
味道咸咸鲜鲜 口味较浓 虽然几好食但系作为开胃前菜就有少少重口味
评分: 7/10
.
🎈中拖罗
第一件上嘅寿司就系中拖罗 由于系中拖所以唔算十分肥
整体系新鲜、有鱼味 不过第一旧寿司饭就热左dd 食落口会感觉到鱼生同饭嘅温差
评分: 7/10
.
🎈目鲷
鱼肉系爽弹既感觉唔系好重鱼味同油脂香 所以系食鱼既质感
属于比较清淡嘅 有淡淡既柚子味 但就咁岩有一条根🤭
评分: 7/10
.
🎈甜虾
甜虾一次过有三只 坦白讲唔算好甜 但系胜在数量够多👍
每一口都系虾肉 非常满足既感觉🥰
评分: 7/10
.
🎈金目鲷
一般出面食金目鲷都会烧一烧迫d 油脂出黎呢到就冇 食返佢既原汁原味
整体系肥美既 而且块鱼皮又几好食 可以食得出好新鲜👍
评分: 8/10
.
🎈帆立贝
呢个不得之了🤤净系睇佢切到成朵花咁都知道个口感会好正
唔单止咁 师傅仲灸烧左少少表面 食落又香又鲜甜又爽口
评分: 8.5/10
.
🎈赤贝
相比之下 赤贝就冇咁出色
呢间d赤贝就未去到咁新鲜 有d位仲淋淋地有d位就好爽口 胜在分量够大
评分: 7/10
.
🎈昆布渍海胆
呢个海胆可以算系最好食🤤海胆非常creamy 仲有入口即化既感觉 味道鲜甜
而且多左少少昆布味 层次非常丰富 系非常值得一试再试！！！
评分: 9.5/10
.
🎈大拖罗
大拖就系大拖 本身已经非常肥美
不过呢到将佢推高一个层次就系三片一齐上！！！
拖罗品质几高 我夹既时候冇为意 原来旧鱼咁肥唔够大力夹成旧滑左出黎🤣
有少少油脂 未到入口即溶但系都非常之滑溜👍
评分: 8.5/10
.
🎈赤身酱油渍
鱼味 豉油味都出 有些少葱系面头
都几惹味🤤
评分: 7.5/10
.
🎈竹签鱼
呢一只鱼我都系第一次听😂😂
灸烧过既鱼生上面集咸、鲜、腥味一身 鱼皮系脆脆地几有咬口 都几特别🤭
评分: 8.5/10
.
🎈小矶鱼
呢一款鱼我都系第一次试🤭
腥腥地重鱼味未必个个钟意 个质感有啲似橡胶😂😂我自己个人就唔系咁识欣赏
评分: 6.5/10
.
🎈葱吞拿鱼碎手卷
紫菜烧得非常非常非常香脆 葱吞拿鱼腩碎调味亦非常之好
入边有一啲烧香左既芝麻同日本萝卜 但就略嫌饭量太少🤭
评分: 8.5/10
.
🎈烧海鳗
鱼都算松化 不过可能有d皮既关系 口感唔够一致 不过啖啖肉都好满足🤤
一开头食都几软林林 但系就觉得越食越韧
评分: 7.5/10
.
🎈玉子
佢有两款玉子 一款个质感就比较似蛋糕 令一款个感觉就会似返平时市面上食嘅玉子 两款嘅蛋香味都几重
评分: 7/10
.
🎈总括而言
系一间几高质既omakase 下次再去一定会试下指定日本师傅🤭
Interaction 会多少少 但当然香港师傅服务都非常好👍
不论食物 环境 同 服务都系物超所值🤤特别系佢招牌既昆布海胆👍
评分: 8.5/10
张贴
