影片
更多
2019-06-28
2011 浏览
身为一位牛魔王自然会留意新开嘅靓牛餐厅，今次就留意到铜锣湾既「和牛荟」装修有格调有高级啱晒庆祝特别日子， 而且餐厅主打和牛料理，急不及待订位约咗专食好嘢既友人嚟试一试。呢度嘅环境以木为主题，有加上暗暗地既灯光，好有日本高级餐厅感觉！餐牌选择亦都有好多种类，不过为咗每样都试到少少，所以我同朋友都拣咗Vanne Dinner Set A先来有清清哋嘅沙律头盆，新鲜蕃茄配黑椒酱油里面有新鲜洋葱同埋番茄，加上佢哋秘制嘅黑椒沙律汁，鲜甜爽脆又带点酸酸地，好开胃呀！盐渍牛小排配新鲜田园沙律，感觉有啲似意大利嘅风干火腿，又几特别㖞！加上昆布、沙律菜配柚子沙律汁，多重口感嘅一个沙律👍🏻再黎有A5和牛多士配蛋黄酱伴鱼子酱首先个多士好香脆可口，而A5和牛肉碎充满浓郁嘅牛味重点入口即溶，同个蛋黄酱出奇地咁夹，加上矜贵嘅鱼子😍呢个真系不得了！和牛海胆寿司，有图有真相片，片和牛好长呀！😍上面再加上鲜甜嘅日本海胆，全部入口即溶，口感层次好丰富！正呀💕牛舌青葱酱油大大块薄切既牛舌本身带有少少调味，而且所有烧烤环节会由专业店员亲自喺我哋面前帮我哋烧，完全免却咗烧过龙或者烧得唔够熟影响到食物本身嘅质感同味道，呢个服务真
呢度嘅环境以木为主题，有加上暗暗地既灯光，好有日本高级餐厅感觉！
餐牌选择亦都有好多种类，不过为咗每样都试到少少，所以我同朋友都拣咗Vanne Dinner Set A
先来有清清哋嘅沙律头盆，新鲜蕃茄配黑椒酱油
里面有新鲜洋葱同埋番茄，加上佢哋秘制嘅黑椒沙律汁，鲜甜爽脆又带点酸酸地，好开胃呀！
盐渍牛小排配新鲜田园沙律，感觉有啲似意大利嘅风干火腿，又几特别㖞！加上昆布、沙律菜配柚子沙律汁，多重口感嘅一个沙律👍🏻
再黎有A5和牛多士配蛋黄酱伴鱼子酱
首先个多士好香脆可口，而A5和牛肉碎充满浓郁嘅牛味重点入口即溶，同个蛋黄酱出奇地咁夹，加上矜贵嘅鱼子😍呢个真系不得了！
和牛海胆寿司，有图有真相片，片和牛好长呀！😍上面再加上鲜甜嘅日本海胆，全部入口即溶，口感层次好丰富！正呀💕
牛舌青葱酱油
大大块薄切既牛舌本身带有少少调味，而且所有烧烤环节会由专业店员亲自喺我哋面前帮我哋烧，完全免却咗烧过龙或者烧得唔够熟影响到食物本身嘅质感同味道，呢个服务真系非常贴心呀！而牛舌烧好之后，可以自行加上佢哋自家制嘅青葱酱油一齐食，啱晒一向「走葱」既朋友，烧牛舌口感弹牙又充满油香，加上好香葱味嘅青葱酱油中和返成件事！真系好想再来一片😍
我最期待嘅烧肉拼盘嚟啦！一共有三款，分别有是日A5精选和牛 、F1精选和牛同HIYAMA 日山和牛西冷，食嘅次序系由淡味食到最浓味既！
系烧嘅过程之中店员都会了解下你平时食牛肉钟意食到咩程度而去调节番面前嘅烧肉，F1牛肉味好香而个人比较偏爱油花分布均匀又入口即溶嘅A5😻最后既HIYAMA 日山和牛西冷烧到表面香脆，但内里肉汁鲜嫩，浓浓嘅牛肉味同埋充满油香，食嘅时候可以加蒜片、海盐或者萝卜蓉酸汁，个人觉得就咁食已经非常好味了！
之后就到和牛Shabu Shabu 配黑松露，首先店员将和牛放入甜甜哋既Shabu Shabu 汤里面快手渌两渌再夹起，之后再将名贵嘅黑松露刨片放喺牛肉上面，配埋生鸡蛋捞匀一齐食😻！第一次食新鲜黑松露片，原来系咁香咁好味，加上牛味浓又多汁嘅牛肉，仲有啖啖蛋汁包住😻最后食完个汤仲可以捞一小球日本珍珠米食埋！真系好味到冇朋！
而和牛肉酱阔条面上面有块芝士脆片，配上香浓既牛肉酱同自家制嘅弹牙阔条面，卖相靓味道好，不过因为都几饱嘅关系只系食咗半碟！
话说每个女生都有第二个位系食甜品🍮所以最后上嘅自家制柚子雪葩我梗系要清晒佢啦！钟意份量细细杯唔会太多，而且酸酸甜甜好啱夏天食！总结呢间餐厅嘅套餐真系性价比好高，希望下次有机会再嚟呢度吧！
张贴
