The Grill Room (The L. Square) (已搬遷) 新店位置

本来谂住去返hysan dinner，但突然落雨，即刻黎左L. Square。免得中伏即刻search下openrice边间多笑笑，最后拣左The Grill Room，仲好好彩即刻有位。因为今日系星期一，帮衬两个set可减100蚊非常抵。最后拣左低温慢煮香草乳酪三文鱼同烧牛柳大虾配薯泥烧菜。我同男人都拣左南瓜汤，非常好饮。黎左个慢煮三文鱼，好食到停唔到，可能第１次食觉得好特别，三文鱼入口即溶。外面脆脆地几香口，入面界乎熟与未熟之间，好嫩滑。(太好味冇影到相)烧牛柳同大虾系好食既，最特别系配埋个薯泥烧菜，唔会令你食牛食到腻。最后黎个甜品，我拣左个奶冻配伯爵茶，超级好食（如果自己识整就好）。味道好清新唔算太甜，甜度刚好，令你食完头先Ｄ肉之后，而家好似清一清个口同胃咁即时冇咁滞。