糖老鴨 (已結業)

呢间餐厅一直都收藏咗好耐，住喺大埔咁耐，一直都好少出嚟大埔市区食嘢，我哋今次就去到呢间甜品店附近嘅餐厅食晚餐，食完散完步，就决定要去试吓呢间餐厅。当日其实都排咗几耐队，如果冇记错就好似等咗九张枱。不过我觉得系满足嘅，唔怪得之咁多人都要排队食啦！🐖好！等我俾啲相大家睇吓先！我哋叫咗两份甜品三个人返。感觉非常之饱好满足！😚朱古力花生酱香蕉窝夫配雪糕 $53呢份甜品非常之靓，亦都好足料唔系得个样㗎 ！我觉得窝夫真系外脆内软，上面嘅花生同朱古力酱非常之配合，每一啖都系甜嘅所以感觉非常之幸福！佢仲有一个类似枫糖浆嘅配埋俾我哋，可以倒上去香蕉或者窝夫上面食，我觉得非常之甜好好食但记住唔好落太多！香蕉就好普通，就系普通嘅香蕉唔会特别难食唔会特别好食！雪糕配窝夫呢就非常之王道嘅配搭，曲奇嘅雪糕都非常之好食加埋窝夫就好满足！🍫朱古力心太软配曲奇雪糕 $59我真系好钟意食心太软啦！呢个心太软非常之好！我觉得佢嘅摆盘卖相一啲都唔求其，但系佢竟然系出餐超级快！一次落去，真系留心嘅朱古力，我觉得好靓好开心！而且冬天食呢一个甜品就非常之好啦！