湯•米 (已易手) 新餐厅

朋友推介去旺角搜寻美食，之前佢食过一间台式臭臭锅话一人一锅，而且饮品非常有特色，就决定去试吓。一入门口已经系收银处，收银处上面标明各款特色台式饮品嘅名称同埋价钱，亦都有好多客人专程入嚟买杯饮品就走，可见饮品非常有特色。餐牌上图文并茂，每一款食物嘅图片都非常吸引。除此之外，仲有小食、火锅配料追加项目，食物款式多元化。由于太肚饿，先叫了一份小食-麻辣臭豆腐。麻辣臭豆腐望落去都已经觉得好辣，食落去味道入味，食到我个嘴唇都麻痹了。女士们当然要滋补一下，我就拣选了药膳豚肉锅，奶白色嘅汤底原来系非常足料嘅药膳味道，我选择咗唔辣，入面嘅豆腐、娃娃菜，仲有豚肉都非常新鲜入味。朋友嘅巴蜀烤鱼锅卖相都非常吸引，真系有一大块好厚身嘅烤鱼放喺火锅面头，食落去鱼皮香脆、鱼肉唔多骨，朋友都大赞好食。食完叫一杯纯品冻乌龙，可以解辣之余，仲可以爽一爽喉咙，饮完好舒畅。