影片
更多
2018-03-11
5442 浏览
圃锅 最近有有朋友介绍湾仔有一间海鲜火锅，今日得闲同朋友一齐上去试吓，睇下系咪真系咁好味。上到去之后，发现个装修好靓，好有心思，摩登得来，富有中国嘅特色。仲有一个露天嘅地方，可以俾人饮嘢，如果而家嘅天气小小凉，系露台打边炉都有一番风味，不过夏天就可能会太热啦。 一上去，啲侍应服务都很好，＄278一位有：每人有五至六款时令海鲜（波士顿龙虾半只、）瑶柱鲮鱼肉丸、自家制云吞、水饺等。大家决定加＄100，仲有日本鹿儿岛和牛同四色刺身。 刺身好快就送上来，排列好整齐，亦都非常新鲜，每件刺新都系厚切，特别系啲厚切三文鱼，食落冇喳，又新鲜，同时啲甜虾又新鲜又大只，另外两款刺身都好好味，食到唔停口。 汤底方面，我哋叫咗一煲鱼汤鱼，一煲猪骨汤底，海鲜拼盘在非常澎湃，海鲜嘅份量都唔少，而且新鲜！始终海鲜唔新鲜嘅话，一食便知道绝对呃唔到人呢。跟住到火锅主菜，首先我哋先食咗啲鲮鱼球、水饺，云吞味道非常之好又弹牙又爽口。跟住食鹿儿岛和牛味道都唔错，入口即溶，但我喜欢本地牛多啲。 海鲜拼盘： 呢个卖相真系非常正，超级澎湃。跟住试吓啲带子，只只手
最近有有朋友介绍湾仔有一间海鲜火锅，今日得闲同朋友一齐上去试吓，睇下系咪真系咁好味。上到去之后，发现个装修好靓，好有心思，摩登得来，富有中国嘅特色。仲有一个露天嘅地方，可以俾人饮嘢，如果而家嘅天气小小凉，系露台打边炉都有一番风味，不过夏天就可能会太热啦。
一上去，啲侍应服务都很好，＄278一位有：每人有五至六款时令海鲜（波士顿龙虾半只、）瑶柱鲮鱼肉丸、自家制云吞、水饺等。大家决定加＄100，仲有日本鹿儿岛和牛同四色刺身。
刺身好快就送上来，排列好整齐，亦都非常新鲜，每件刺新都系厚切，特别系啲厚切三文鱼，食落冇喳，又新鲜，同时啲甜虾又新鲜又大只，另外两款刺身都好好味，食到唔停口。
汤底方面，我哋叫咗一煲鱼汤鱼，一煲猪骨汤底，海鲜拼盘在非常澎湃，海鲜嘅份量都唔少，而且新鲜！始终海鲜唔新鲜嘅话，一食便知道绝对呃唔到人呢。跟住到火锅主菜，首先我哋先食咗啲鲮鱼球、水饺，云吞味道非常之好又弹牙又爽口。跟住食鹿儿岛和牛味道都唔错，入口即溶，但我喜欢本地牛多啲。
海鲜拼盘： 呢个卖相真系非常正，超级澎湃。跟住试吓啲带子，只只手指头咁大，咬落去爽口，一句讲晒够晒新鲜。每人仲有半只龙虾，仲有差唔多有半只手掌咁大嘅系蟹钳，肉质结实又鲜味。
最后嘅吸收海鲜精华嘅汤底，真系非常浓郁，吸收左海鲜嘅精华，大家一致认为海鲜边炉，汤底一定要选择鱼汤，因为猪骨汤底嘅味道有点浓郁，把部份海鲜嘅味道盖过了。
服务环境食物都不错，下次再嚟嘅指数一定高。
张贴
