水月 (已結業)

本来book左米芝莲一星餐厅，但同朋友食lunch时佢话Mic唔太好，建议去水月，特别推介佢既甜品，我即时打去book枱，一位女士接听，我问即晚6点半是否有2位，佢confirm有，我留下名电话后，佢话会send menu去我手机，等到6点都冇message，只好打去查询，点知佢话佢地开7点，但我都已经差不多到天后，都冇办法，我只好叫佢尽快send menu俾我，原来佢留错左我电话，收到menu后，因为我对部分海产类敏感同埋唔食生野，见佢头盘全部海产即时问可否更改，佢就俾左个素菜既menu我，我都觉得可以，咁我问佢主菜可否选回正常menu，佢就答我咁收$888，为免混乱，我打去同佢讲清楚，点知一打去佢就话佢地冇食材要同我取消booking，我话我已经到左天后，行紧过去，点可以咁样取消我既booking?! 佢话佢地写明开7点，咁耐以嚟都冇同人book过6点半。本来开开心心想去食餐饭，真系嬲到不得了，咁既服务态度真系几好食都冇用！收中高级餐厅既价钱就应该提供中高级既服务同食物，咁既态度同做事方法唔配呢个价钱！强烈建议餐厅请返专业既服务员！