仙葉

营业中

休息中

踩完单车过来食呢间叫做仙叶嘅餐厅，就咁睇个名以为净系卖茶，原来呢间野嘅选择系咁丰富嘅，真系有少少惊喜。呢间餐厅主打台湾牛肉面，黑糖珍珠奶茶，仲有佢哋嘅多款特色芋圆糖水，同埋好强调无论系牛肉面，黑糖，珍珠，芋圆，仙草，全部都系手工野。我谂既然系手工野，咁价钱就一定贵啦。但系埋去睇个餐牌先知价钱都算合理，一个套餐卖六十几$70 ，喺科学园呢片区域都算系亲民价。不过我同班friend今日嚟食，我净系嗌咗咖喱牛腩饭，因为本身唔系好肚饿，谂住求其嗌一个平啲嘅餐试吓，估唔到又俾咗我另一个惊喜，因为佢哋嘅咖喱虽然唔系主打但系个味道真系我试过咁多咖喱之中非常之独特嘅，好明显同出边系唔同，而且份量都好足，一开始我班friend笑我嚟到呢间餐厅点咖喱饭，但系试过之后完全冇后悔啰。