上岸料理 (已結業)

同朋友太耐無見啦！就佢返屋企，就去左尖沙咀搵野食😄佢提議食日本料理，我當然無問題啦！相信應該無人會抗拒日本料理的😝蕃茄胡麻醬沙律用左溫室既蕃茄👍🏻所以特別清甜，同埋好juicy，配埋自家製既胡麻醬，特別清新😋吞拿魚腩多士吞拿魚腩好滑喎，幾有驚喜😋不過我有啲唔太舒服，所以我只係夾左啲魚腩食😆多士就交左俾朋友KO左。燒物燒手羽+燒雞軟骨+燒雞骨腸+燒日本青椒仔今次叫左個燒雞盛宴，我特別鍾意雞骨腸，一咬開，超多肉汁！😋😋手羽同雞軟骨都唔錯👍🏻刺身併盤（自選）左口魚薄片+深海池魚刺身+黑睦魚刺身+葉血引刺身+赤貝刺身左口魚同赤貝都是我每次必食的😝呢間既刺身真係好新鮮😋😋