雞記潮州麵食

营业中

休息中

首先入座体验就好差，D店员个个黑口黑面。去到见我一个人指我埋一个bar台位坐，都无问题。问题系上一手食完d碗碟都未执好就叫我坐埋去。后来我自己稳张吉台坐仲要唔高兴，锭份菜单离我面前。本身都吞左啖气开始叫野食。叫左一碗黑豉油王捞粗面加坑腩同埋炸墨鱼丸，加杯冻柠茶，然后个服务员讲到名系56蚊坑腩面餐+6蚊转捞面+19蚊转双送（得两粒墨鱼丸）然后套餐叫柠茶加两蚊，所以埋单应该系83蚊，最后竟然收我91蚊。拿住账单去同收银讲，个阿姐又吾耐烦又讲唔清，系我面前按三次计算机，三次都唔一样价钱，最后开始发脾气，夹硬话自己已经收少我钱。我尝试耐心同距解释都一句唔聼。讲真的确系吾差10蚊8蚊，先勿论呢闲餐厅真心系好一般唔好吃吾值呢个钱，你连最基本收钱都收多人就系诚信问题。后来赶时间，都唔想嘈就比左91蚊，但真心好嬲。我希望大家就算想离试错，都要打醒精神，最好点餐果阵录音，费事死无对证！