影片
更多
2015-01-30
8046 浏览
圣诞大歺想食啲特别啲既野，唔想成日都系据扒或食risotto果啲，系openrice睇左好耐，最后决定食呢间非一般西班牙菜。对西班牙菜既印象通常都系西班牙海鲜炒饭Paella同小碟Tapas，但呢间餐厅就打破左故有既传统，菜式系特别设计，非常创新。至于好唔好食，其实就好见人见智。圣诞节正日反而冇乜客，餐厅系地牢入面，环境布局走品味路线，但灯光实在系太暗，圣诞节泥讲就欠缺咗一份生气。圣诞大餐餐牌fix 死左，乜都唔洗简，$588 十道菜，餐牌只有西班牙文，唔系好睇得明，由于唔知系乜，所以对每道菜都好期待。一般既Sangria一定系红酒做底。但佢既Sangria就有4种：red, white, rose, sparkling，非常特别。叫左杯Sparkling, 有惊喜。酒味浓得泥唔会苦涩，甜度刚好。有时一啲冇水准既Sangria用得太多糖水开稀啲红酒搞到杯野好淡，但佢就好明显落足份量。通常Sangria都系落苹果同橙粒，但佢系用柠檬同青瓜，饮落有种清新既感觉。Cocktail: Zafran Special失望，望落去就几靓，用红莓汁做底。可惜饮落去味道太淡，甜又唔系甜，酸又唔系甜，酒味
圣诞大歺想食啲特别啲既野，唔想成日都系据扒或食risotto果啲，系openrice睇左好耐，最后决定食呢间非一般西班牙菜。
对西班牙菜既印象通常都系西班牙海鲜炒饭Paella同小碟Tapas，但呢间餐厅就打破左故有既传统，菜式系特别设计，非常创新。至于好唔好食，其实就好见人见智。
圣诞节正日反而冇乜客，餐厅系地牢入面，环境布局走品味路线，但灯光实在系太暗，圣诞节泥讲就欠缺咗一份生气。
圣诞大餐餐牌fix 死左，乜都唔洗简，$588 十道菜，餐牌只有西班牙文，唔系好睇得明，由于唔知系乜，所以对每道菜都好期待。
一般既Sangria一定系红酒做底。但佢既Sangria就有4种：red, white, rose, sparkling，非常特别。叫左杯Sparkling, 有惊喜。酒味浓得泥唔会苦涩，甜度刚好。有时一啲冇水准既Sangria用得太多糖水开稀啲红酒搞到杯野好淡，但佢就好明显落足份量。通常Sangria都系落苹果同橙粒，但佢系用柠檬同青瓜，饮落有种清新既感觉。
Cocktail: Zafran Special
失望，望落去就几靓，用红莓汁做底。可惜饮落去味道太淡，甜又唔系甜，酸又唔系甜，酒味又唔系浓，形成左一种唔知佢想点既感觉。
火腿
好味。排得好靓，食落好干身，好够香。
鹅肝Lollipop
特别，但食落去有种唔知食紧咩既感觉。1粒小小嘅鹅肝酱粒出面沾满咗好新鲜嘅开心果碎粒。佢系用1枝长竹签插住，但由于质地太软好快就跌左落泥。质感就似食紧一粒好滑既朱古力mousse, 但味道变左系鹅肝酱，唔咸唔甜咁，有啲怪。
海鲜沙律
有惊喜！其实望落去真系唔知咩泥，但一食落口就食到新鲜刺身味。所有食材都好新鲜，入面包括有带子，牛油果，旦。所有野切成细粒。酱汁既味道并唔会盖过左其他材料，反而令佢地味道更特出，海鲜好鲜甜，配合牛油果同旦，味道出奇地夹。
炸薯波
赞！有2粒系烟肉，2粒系野菌。虽然系炸，但一啲油腻感都冇。出面层炸皮好够薄，脆得泥唔会硬。入面既薯溶热辣辣，口感非常软滑，味道浓郁。
八爪鱼
味道非常之怪。八爪鱼大大粒，上面有一层海胆味既mayonnaise，下面就有一层南瓜溶。呢三样野放埋一齐摆入口无论口感定味道都唔太匹配，而且仲有啲干。海胆味mayonaise食唔出有海胆味而且仲几难食。个人认为呢道菜太花巧，反而浪费左八爪鱼本身。咁新鲜既八爪鱼其实用返一般油浸既做法已经可以好好味。
辣肉肠
普普通通。浓郁同浓烈有时只差一线，佢既肉肠味道非常之浓，浓得有点烈。而且辣油好呛喉，食落唔太舒服。
火鸡串
几好味。烧得好有心机，火候控制啱啱好，火鸡肉一啲都唔会干而且仲几滑。食落有香烤味。
餐厅招牌菜：西班牙式乳猪
非常有惊喜。骤眼望落去咪普通中式乳猪，点知一放入口有"哗!"一声既感觉。非常幼滑juicy，脆皮同肥膏同肉既比例非常好。皮好薄，脆得泥唔会硬，好有口感，肥膏既厚度比层皮厚小小，充满油香。至于肉既口感非常淋滑，唔会好似有时啲火候控制得唔好既中式乳猪咁食落干憎憎。配上佢特制既烧汁巧妙地将味道升华。佢仲有另一款酱汁：苹果汁。唔系饮果啲，系苹果酱汁。质地好杰身，好清香嘅苹果味，非常天然，好好味。相信呢度小小既苹果酱汁已经用上左好多好多苹果肉。至于呢款汁同烧肉夹唔夹，我就觉得一配，就咁食啲苹果汁好味啲。食到呢度已经非常饱济，只系食到一嚿然后已经食唔落。
甜品：云呢嗱雪糕配香橙白朱古力汁
雪糕太过溶，似系食紧mousse多啲, 但唔知系咪西班牙式雪糕喺咁㗎呢。不过味道真系一流！香橙朱古力汁非常细滑，味道唔会过甜。连唔中意食橙味朱古力既我亦出奇地将佢食唒。
侍应好有礼貌，但唔够细心。点火鸡串嘅酱汁我都未开始用，佢就已经极速收走左。
食得出大厨对食物质素既要求，亦感觉到佢花左好多心思系每一道菜，更睇得出佢唔只当食物系食物，仲当佢地系艺术品咁，追求更高既层次。虽然话就话系西班牙菜，但有部分菜式似乎系走分子料理果边，始终啲咁新颖嘅嘢未必个个like。呢个价钱食咁上等嘅菜式唔算太贵，未试过嘅可以一试。
张贴
