影片
更多
2015-01-21
874 浏览
一踏入秋冬季，火锅以外，另一香港地道名物就喺煲仔饭。其实依家一年四季都可以食到煲仔饭，而所有腊味产品，无论腊鸭、腊肉定腊肠，都无分季节有得供应，不过，食嘢有时又要讲意境，晌冬天食煲仔饭就宁舍滋味 ，咁！今个冬季，你又食咗煲仔饭未？奇华作为本地老饼家，亦卖咁多传统食品，又点会无腊肠、膶肠嘅踪影吖。奇华不单喺本地老字号，亦强调香港制造，晌黑心食品充斥嘅世道，予人更有信心 。所以，一个品牌嘅建立唔容易，希望佢哋都继续坚守住 。今年奇华嘅「鲜肉腊肠」及「鲜肉膶肠」礼盒，以枣红及深啡色作代表，并配以凹凸熨纹塑造砂锅与腊肠造型，简洁敦厚。屋企人对腊味嘅兴趣一般，小弟就算喺无任欢迎，但相对地，就较喜欢膶肠𠮶种「肾肾哋」嘅口感 。一盒「鲜肉腊肠」礼盒共有10条腊肠，而「鲜肉膶肠」礼盒则有8条膶肠，两者均定价$168 / 盒，同样都以真空包装，打开内盒，都有段简单介绍：「以本地优质猪上肉及逵口鸭肝，配以顶级玫瑰露酒及特制酱油，注入天然脆薄肠衣中」制成。晌屋企搞「煲仔饭」不及整「饭煲饭」方便，奇华都惊你唔知几时先放啲腊肠 / 膶肠落饭煲度，盒内有张说明，提提最佳食法 。诚然，放晌米饭上同时蒸煮，
奇华不单喺本地老字号，亦强调香港制造，晌黑心食品充斥嘅世道，予人更有信心 。所以，一个品牌嘅建立唔容易，希望佢哋都继续坚守住 。
今年奇华嘅「鲜肉腊肠」及「鲜肉膶肠」礼盒，以枣红及深啡色作代表，并配以凹凸熨纹塑造砂锅与腊肠造型，简洁敦厚。屋企人对腊味嘅兴趣一般，小弟就算喺无任欢迎，但相对地，就较喜欢膶肠𠮶种「肾肾哋」嘅口感 。
一盒「鲜肉腊肠」礼盒共有10条腊肠，而「鲜肉膶肠」礼盒则有8条膶肠，两者均定价$168 / 盒，同样都以真空包装，打开内盒，都有段简单介绍：「以本地优质猪上肉及逵口鸭肝，配以顶级玫瑰露酒及特制酱油，注入天然脆薄肠衣中」制成。
晌屋企搞「煲仔饭」不及整「饭煲饭」方便，奇华都惊你唔知几时先放啲腊肠 / 膶肠落饭煲度，盒内有张说明，提提最佳食法 。诚然，放晌米饭上同时蒸煮，真喺干手净脚，啲肠油又渗进饭内，令饭粒带著油脂甘香。
揾嚟炒菜、蒸饭当然做过啦，不过，有时饮食嘅嘢都要搞吓实验，左碰右撞，睇睇有无机会擦出火花。饭煲蒸腊肠、膶肠就食咗好几餐，当腊肠、膶肠遇上意大利粉，你又觉得点呢 ？趁老婆唔返嚟食，得一支公，就算失败咗都唔使揾人陪葬，安心乱试 。
查实，啲腊肠、膶肠都几肥，肠衣之下清楚睇到一小粒一小粒肥膏，切成片状就更加明确，不过，佢哋蒸完之所以咁甘香就喺因为啲肥膏，就正如啲猪油渣咁，香！但肥。
为咗帮佢哋「减肥」，先大火煎香，并顺便逼啲肥油出嚟，第一步减肥算喺成功，逼出唔少油份。而意粉一般都会下盐及油去煮，依个步骤就用返少少「肠油」，唔使嘥吖嘛，烚到9乘熟转镬再以少少「肠油」去炒，落多少少香草提味，之后就可以卷起上碟，腊肠、膶肠放两侧摆番靓仔啲 。
对于碟腊、膶「肠」意「粉」，味道都真喺唔错㖞，意粉有朕朕油脂甘香，煮得啱啱好，够咬口；腊肠、膶肠渗出玫瑰露嘅酒香，尤其膶肠，鸭肝蜜润有质感。不过，老老实实，都仲有几个地方要改善，一人份量嘅意粉配一条腊肠及一条膶肠，肠嘅份量实在太多；其次，两款肠都唔可以煎太耐；最后一点，加番啲菇菌一来可以嗦吓油，二来食起嚟无咁寡，下次再煮一定会更好。
虽然真喺咩时间都可以买到腊肠、膶肠，不过，天冷之时用嚟送俾亲友，就特别应景啫，正如农历新年嚟食月饼，唔OK呀嘛 ！
张贴
