金城餐廳 (已搬遷) 新店位置

系现今既社会除非你退咗休,作为打工仔可以轻轻松松食个午饭唔使赶头赶命真系冇乜可能.有时唔系你唔想轻轻松松咁食,就算你想,你食完阿姐都要立即清场,做多一轮生意,你都要起身让位.所以有时去吓其他地方食晏,当系享受吓食晏"乐趣"都系一个唔错既选择.今次就去咗筲箕湾.知道佢地出名用石班,龙趸去做碟头饭呀,炒河等.所以今次去到想试吓佢个班腩饭,但咁啱冇,只可以退而其次食佢既焗饭,因为见到其他人叫既焗饭都好似样.所以就叫咗个咖哩焗猪扒饭($48),而同行既优闲一族分别叫了味菜肉丝炒面(有相)同胜瓜虾仁饭(冇相).咖哩焗猪扒饭送到嚟,有两块切开四件既猪扒.份量足,当中只有一块系比较干身同实肉,其余三块都仲系软身.可以接受.咖哩味唔系太浓郁但系佢有一个地方系好多地方都冇既就系佢系一个炒低既咖哩炒饭.第一眼睇,收$48,好多人可能觉得一啲都唔平.但佢个咖哩炒低都已经显得系抵佢收呢个价钱,炒得一粒粒,入咗焗炉都唔系太干身,入口软硬度适中.食完系有少少油,但佢应该系用湿咖哩.至于味菜肉丝炒面,面低好香口,但香口既代价就当然系多油啲,味菜唔错,唔太酸,唔太咸,再加埋啲肉丝,打个献唔算太浓,啱啱好.总括唻讲,金